ខេត្តកំពង់ឆ្នាំង ៖ ជនសង្ស័យចំនួន១៤នាក់ ពាក់ពន្ធនឹងការជួញដូរ ចែកចាយ និងប្រើប្រាស់ថ្នាំញៀន នៅព្រឹកថ្ងៃទី០១ ខែធ្នូ ឆ្នាំ២០១៧ ត្រូវបានស្នងការដ្ឋាននគរបាលខេត្តកំពង់ឆ្នាំង…
ខេត្តកំពង់ឆ្នាំង ៖ ជនសង្ស័យចំនួន១៤នាក់ ពាក់ពន្ធនឹងការជួញដូរ ចែកចាយ និងប្រើប្រាស់ថ្នាំញៀន នៅព្រឹកថ្ងៃទី០១ ខែធ្នូ ឆ្នាំ២០១៧ ត្រូវបានស្នងការដ្ឋាននគរបាលខេត្តកំពង់ឆ្នាំង ធ្វើការបង្ហាញមុខជាសាធារណៈ ដើម្បីឲ្យអ្នកកាសែត ទូរទស្សន៍ ចុះផ្សាយ ពីស្នាដៃរបស់ខ្លួន ដែលបានខិតខំប្រឹងប្រែងបង្ក្រាបរយៈពេលបីថ្ងៃជាប់គ្នា ដោយបានដកហូតថ្នាំញៀន និងវត្ថុតាមួយចំនួនទៀត មានឧបករណ៍ប្រាស់គ្រឿងញៀន និងឧបករណ៍កែច្នៃ ជាអាវុធ មានដាវ និងកាំបិត ចុងស្រួចជាដើម ។
យោងយាមរបាយការណ៍៦សន្លឹក ដែលបានដាក់ជូនលោកព្រះរាជអាជ្ញាអមសាលាដំបូងខេត្ត បានបញ្ជាក់ថា ការចាប់ឃាត់ខ្លួនជនសង្ស័យទាំង១៤នាក់ខាងលើ គឺបានធ្វើឡើងចាប់ពីថ្ងៃទី២៨ ដល់ថ្ងៃទី៣០ ខែវិច្ឆិកា ដោយដកហូតថ្នាំញៀនប្រភេទម៉ាទឹកកកសរុប ចំនួន២៨កញ្ចប់ ទូរសព្ទ័ដៃ៨គ្រឿង និងឧបករណ៍សម្រាប់បម្រើឲ្យការប្រើប្រាស់មួយចំនួនទៀត ។ ក្រៅពីនោះ នៅមានសម្ភារដូចជា ដាវ កាំបិត និងពូថៅមួយចំនួនទៀតផងដែរ ។ ក្នុងរបាយការណ៍ដដែលមិនបានបញ្ជាក់អំពីការដកហូតម៉ូតូរបស់ជនសង្ស័យនោះទេ តែនៅក្នុងការដាក់តាំងឲ្យអ្នកសារព័ត៌មានផ្ដិតយករូបភាព គេឃើញសមត្ថកិច្ចបានដាក់បង្ហាញម៉ូតូ៤គ្រឿង ដែលបានពាក់ព័ន្ធក្នុងករណីគ្រឿងញៀននេះដែរ ។ យោងតាមរបាយការណ៍ដដែលបានបញ្ជាក់ថា ជនសង្ស័យទាំង១៤នាក់ មានទីលំនៅស្រុកទឹកផុស១នាក់ ក្រុងកំពង់ឆ្នាំង១នាក់ ស្រុកកំពង់ត្រឡាច៣នាក់ ស្រុកសាមគ្គីមានជ័យ១នាក់ ស្រុករលាប្អៀរ៦នាក់ និងស្រុកបរិបូរណ៌២នាក់ ។ ចំណែកការចាប់ខ្លួន ក៏ចាប់ក្នុងភូមិសាស្ត្រស្រុកក្រុងទាំង៦ខាងលើផងដែរ ។ ជនសង្ស័យទាំង១៤នាក់សមត្ថកិច្ចនឹងកសាងសំណុំរឿងបញ្ជូនទៅតុលាការតាមនីតិវិធី ។
សូមរំឮកថា នេះជាលើកទី១ហើយដែលស្នងការដ្ឋាននគរបាលខេត្ត បានបញ្ហាញមុខជនសង្ស័យយ៉ាងច្រើនសន្ធឹកបែបនេះដល់អ្នកសារព័ត៌មាន បន្ទាប់ពីស្ងប់ស្ងាត់មួយរយៈកាលកន្លងទៅ គឺចាប់តាំងពីស្នងការដ្ឋានចាស់រើសផ្លាស់មកកាន់កន្លែងស្នងការថ្មីនេះ ។ ខុសពីមុនៗពេលចាប់បានជនសង្ស័យពាក់ព័ន្ធគ្រឿងញៀន បានកសាងសំណុំរឿងបញ្ជូនទៅតុលាការយ៉ាងស្ងាត់ស្ងៀម ៕
ចែករំលែកព័តមាននេះ