ពលរដ្ឋក្រីក្រ១១៣គ្រួសារ បានទទួលអំណោយពីកាកបាទក្រហម
- ស្វាយរៀង
ខេត្តស្វាយរៀង ៖ នៅព្រឹកថ្ងៃទី២៩ ខែវិច្ឆិកា ឆ្នាំ២០១៧នេះ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ពៅ សុភាព អភិបាលរងខេត្ត…
ខេត្តស្វាយរៀង ៖ នៅព្រឹកថ្ងៃទី២៩ ខែវិច្ឆិកា ឆ្នាំ២០១៧នេះ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ពៅ សុភាព អភិបាលរងខេត្ត…
ខេត្តស្វាយរៀង ៖ នៅព្រឹកថ្ងៃទី២៩ ខែវិច្ឆិកា ឆ្នាំ២០១៧នេះ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ពៅ សុភាព អភិបាលរងខេត្ត និងជាហិរញ្ញឹកគណៈកម្មាធិការសាខា ព្រមទាំងមន្ត្រីអនុសាខាស្រុកស្វាយជ្រំ បាននាំយកអំណោយមនុស្សធម៌របស់សាខា ទៅចែកជូនប្រជាពលរដ្ឋក្រីក្រ ចាស់ជរាគ្មានទីពឹងសរុបចំនួន១១៣គ្រួសារ។ ក្នុងនោះជនចាស់ជរាគ្មានទីពឹង៤៤គ្រួសារ ជនពិកា២នាក់ និងគ្រួសារមានជីវភាពក្រីក្រខ្វះខាត ៦៧គ្រួសារ មកពីឃុំចំនួន០៦ក្នុងស្រុកស្វាយជ្រំ គឺឃុំស្វាយធំ ៣៤គ្រួសារ ឃុំគោកព្រីង ៥គ្រួសារ ឃុំបាសាក់ ៣៩គ្រួសារ ឃុំឈើទាល ២គ្រួសារ ឃុំក្រោលគោ ៣០គ្រួសារ និងឃុំចំបក់ ៣គ្រួសារ។
ក្នុងឱកាសនោះដែរលោកស្រី ពៅ សុភាព ហិរញ្ញឹកគណៈកម្មាធិការសាខាកាកបទក្រហមកម្ពុជាខេត្ត បានពាំនាំនូវការផ្តាំផ្ញើសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដល់ប្រជាពលរដ្ឋទាំងអស់ដោយក្តីនឹករលឹក ហើយជានិច្ចកាល សម្តេចតែងតែគិតគូពីសុខទុក្ខរបស់បងប្អូនគ្រប់ពេលវេលា។ លោកស្រីក៏បានបញ្ជាក់បន្ថែមទៀតថា កាកបាទក្រហមកម្ពុជា នៅថ្នាក់សាខា និងអនុសាខា បានយកចិត្តទុកដាក់ និងដោះស្រាយបន្ទាន់ដល់គ្រួសារដែលរងគ្រោះដោយសារគ្រោះធម្មជាតិដូចជា៖
ខ្យល់កន្ត្រាក់ រន្ទះបាញ់ គ្រោះថ្នាក់ចរាចរណ៍ជាដើម ធ្វើឲ្យប្រជាពលរដ្ឋដែលរងគ្រោះបានធូស្រាលមួយចំណែក ហើយពេលនេះសាខាបានគិតគូដល់លោកតា លោកយាយ ចាស់ជរាដែលគ្មានទីពឹង អ្នករស់នៅជាមួយមេរោគអេដស៍ ជនពិកា កុមារកំព្រា ព្រោះមិនមែនតែស្រុកស្វាយជ្រំមួយទេដែលសាខាត្រូវដោះស្រាយ គឺត្រូវដោះស្រាយដល់ស្រុកក្រុងទាំង០៨ក្នុងខេត្តតាមលទ្ធភាពដែលសាខាមាន។ ហើយអំណោយមានស្បៀង និងសម្ភារដែលបានចែកជូនទាំង ១១៣គ្រួសារ ក្នុង១គ្រួសារ ទទួលបានអង្ករ ៣០គីឡូក្រាម កន្ទេលបត់១ មី១កេស ត្រីខ១០ កំប៉ុង ទឹកស៊ីអ៊ីវ ៦ដប មុង១ ភួយ១ ក្រមា១ សារុង១ ថវិកា ៤០,០០០រៀល៕
ចែករំលែកព័តមាននេះ