ខេត្តពោធិ៍សាត់ ៖ កម្លាំងជំនាញមន្ទីរយុត្តិធម៌កងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថស្រុកបាកាន ដឹកនាំដោយលោកវរសេនីយ៍ទោ យឹម នី មេបញ្ជាការរងកងរាជអាវុធហត្ថខេត្តពោធិ៍សាត់បានចុះបង្ក្រាប ដែលប្រតិបត្តិការខាងលើនេះធ្វើឡើងនៅវេលាម៉ោង១១និង៣០នាទីព្រឹកថ្ងៃទី២៨ ខែវិច្ឆិកា…
ខេត្តពោធិ៍សាត់ ៖ កម្លាំងជំនាញមន្ទីរយុត្តិធម៌កងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថស្រុកបាកាន ដឹកនាំដោយលោកវរសេនីយ៍ទោ យឹម នី មេបញ្ជាការរងកងរាជអាវុធហត្ថខេត្តពោធិ៍សាត់បានចុះបង្ក្រាប ដែលប្រតិបត្តិការខាងលើនេះធ្វើឡើងនៅវេលាម៉ោង១១និង៣០នាទីព្រឹកថ្ងៃទី២៨ ខែវិច្ឆិកា ឆ្នាំ២០១៧ នៅផ្ទះជនសង្ស័យផ្ទាល់ ស្ថិតក្នុងភូមិបាកាន ឃុំត្រពាំងជង ស្រុកបាកាន ។
លោកវរសេនីយ៍ទោ យឹម នីបានឲ្យដឹងថា ជនសង្ស័យដែលត្រូវកម្លាំងកងរាជអាវុធហត្ថឃាត់ខ្លួន ឈ្មោះ ឃែល ថុល ភេទប្រុស អាយុ៣៥ឆ្នាំ ជនជាតិខ្មែរ រស់នៅភូមិឃុំខាងលើ ។
កម្លាំងសមត្ថកិច្ចបានធ្វើការដកហូតនូវវត្ថុតាង ម្សៅក្រាមសថ្លា ដែលសង្ស័យថាជាសារធាតុញៀនចំនួន០៣កញ្ចប់ ក្នុងនោះតូច០២ កញ្ចប់ធំ០១កញ្ចប់ ជញ្ជីងថ្លឹងសារធាតុញៀនចំនួន០១ កន្ត្រៃ០១ កាំភ្លើងស្នប់០១ដើម កាបូបពណ៌ខ្មៅ០១ និងលុយចំនួន១០ម៉ឺនរៀល ។ ជនសង្ស័យជាមុខសញ្ញាជក់ និងចែកចាយថ្នាំញៀនដែលស្ថិតក្នុងការតាមដានសមត្ថកិច្ច ប៉ុន្តែកន្លងមកពុំមានភស្តុតាងគ្រប់គ្រាន់ ទើបពេលនេះរកឃើញវត្ថុតាងថ្នាំញៀនចំនួន០៣កញ្ចប់ជាក់ស្ដែងទើបឃាត់ខ្លួនតែម្ដង ។
ជនសង្ស័យរួមទាំងវត្ថុតាងសមត្ថកិច្ចស្រុក បានបញ្ជូនទៅទីបញ្ជាការដ្ឋានកងរាជអាវុធហត្ថខេត្ត ដើម្បីរៀបចំឯកសារបញ្ជូនទៅសាលាដំបូងខេត្តចាត់ការបន្តតាមនីតិវិធី ៕
ចែករំលែកព័តមាននេះ