ខេត្តក្រចេះ ៖ ការជីករុករករ៉ែមាសខុសច្បាប់អនាធិបតេយ្យនៅក្នុងព្រៃតំបន់រ៉ែចំណុចអូរត្រូន ឃុំក្បាលដំរី ស្រុកសំបូរ ដែលធ្លាប់បានឆក់យកជីវិតកម្មករបណ្តាលឲ្យស្លាប់ និងបាត់ខ្លួនជាច្រើននាក់ នៅក្នុងរណ្តៅរ៉ែដោយសារតែបាក់ដីហើយក៏ធ្លាប់បានអាជ្ញាធរមានសមត្ថកិច្ចបានចុះទៅ ធ្វើការហាមឃាត់ទប់ស្កាត់មិនឲ្យធ្វើអាជីវកម្មបន្តកាលពីពេលកន្លងទៅនេះ ។…
ខេត្តក្រចេះ ៖ ការជីករុករករ៉ែមាសខុសច្បាប់អនាធិបតេយ្យនៅក្នុងព្រៃតំបន់រ៉ែចំណុចអូរត្រូន ឃុំក្បាលដំរី ស្រុកសំបូរ ដែលធ្លាប់បានឆក់យកជីវិតកម្មករបណ្តាលឲ្យស្លាប់ និងបាត់ខ្លួនជាច្រើននាក់ នៅក្នុងរណ្តៅរ៉ែដោយសារតែបាក់ដីហើយក៏ធ្លាប់បានអាជ្ញាធរមានសមត្ថកិច្ចបានចុះទៅ ធ្វើការហាមឃាត់ទប់ស្កាត់មិនឲ្យធ្វើអាជីវកម្មបន្តកាលពីពេលកន្លងទៅនេះ ។
នៅពេលនេះ ស្ថានភាពការជីកកាយបូមយករ៉ែនៅតំបន់ទាំងនោះត្រូវគេរាយការណ៍កំពុងតែមានសកម្ម ភាពកាន់តែខ្លាំងក្លាជាងមុន ដោយរូបភាពទ្រង់ទ្រាយកាន់តែធំ និងប្រើប្រាស់សុទ្ធតែកម្លាំង កម្មករជនជាតិវៀតណាមទៀតផង ។ តែបើទោះជាបែបណាក្រុមសមត្ថកិច្ចជំនាញបានអះអាងថា ទីតាំងរ៉ែគ្មានច្បាប់ដែលកំពុងតែលួចធ្វើសកម្មភាពនោះត្រូវបានអាជ្ញាធរចុះទៅធ្វើការចាប់ បង្ក្រាប និងហាមឃាត់ហើយ ។
ព្រះរាជអាជ្ញាអមសាលាដំបូងខេត្តលោក កែវ សុជាតិ បានប្រាប់អ្នកកាសែតឲ្យដឹងនៅ ថ្ងៃទី២៧ វិច្ឆិកា ថា កម្លាំងសមត្ថកិច្ចជំនាញក្រោមការដឹកនាំដោយលោក ជា សុភ័ក្ក្រ ព្រះរាជ អាជ្ញាររងខេត្តបានចុះទៅបង្ក្រាបការធ្វើរ៉ែមាសខុសច្បាប់នៅតំបន់នោះក្នុងនោះក៏បានចាប់ បង្ក្រាប និងរឹបអូសយកបានសម្ភារដែលបម្រើឲ្យការធ្វើរ៉ែខុសច្បាប់បានមួយចំនួនធំខណៈ ដែលក្រុមអ្នកប្រព្រឹត្តបានគេចខ្លួន ។
លោកព្រះរាជអាជ្ញាបានបញ្ជាក់ថា ទីតាំងដែលត្រូវបាន ចុះទៅបង្ក្រាបនោះគឺនៅទីតាំងកន្លែងថ្មីនៅក្នុងតំបន់រ៉ែខុសច្បាប់ខាងលើហើយការចុះបង្ក្រាប សារជាថ្មីពីកងកម្លាំងសមត្ថកិច្ចនេះដែរគឺសមត្ថកិច្ចមិនមានការចាប់ខ្លួនមនុស្សនោះទេ ដោយគ្រាន់តែសម្ភារសម្រាប់ធ្វើអាជីកម្មត្រូវបានរឹបអូសទាំងស្រុង ៕
ចែករំលែកព័តមាននេះ