ខេត្តកំពង់ស្ពឺ ៖ ក្រុមជនសង្ស័យមួយក្រុមត្រូវបានឃាត់ខ្លួនជាបន្តបន្ទាប់ ក្រោយធ្វើសកម្មភាពគាស់ផ្ទះលក់ស្រាបៀរមួយកន្លែង ដោយយកបានស្រាបៀរចំនួន៣០កេស និងទឹកសុទ្ធមួយចំនួន ។ ការចាប់ខ្លួននេះធ្វើឡើងក្រោយសមត្ថកិច្ចបើកការស្រាវជ្រាអស់រយៈពេលជាងមួយខែរួចមក ។ ប្រភពពីនគរបាលព្រហ្មទណ្ឌខេត្ត…
ខេត្តកំពង់ស្ពឺ ៖ ក្រុមជនសង្ស័យមួយក្រុមត្រូវបានឃាត់ខ្លួនជាបន្តបន្ទាប់ ក្រោយធ្វើសកម្មភាពគាស់ផ្ទះលក់ស្រាបៀរមួយកន្លែង ដោយយកបានស្រាបៀរចំនួន៣០កេស និងទឹកសុទ្ធមួយចំនួន ។ ការចាប់ខ្លួននេះធ្វើឡើងក្រោយសមត្ថកិច្ចបើកការស្រាវជ្រាអស់រយៈពេលជាងមួយខែរួចមក ។
ប្រភពពីនគរបាលព្រហ្មទណ្ឌខេត្ត បានប្រាប់ថា ការឃាត់ខ្លួននេះកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៧ បានជនសង្ស័យ៣នាក់ ។ ប្រភពបន្តថា មុនឈានដល់ការឃាត់ខ្លួនជនសង្ស័យទាំង៤នាក់ គឺសមត្ថកិច្ចបានទទួលស្តាប់ការសារភាពរបស់ជនសង្ស័យម្នាក់ ដែលសមត្ថកិច្ចឃាត់បានកាលពីល្ងាចថ្ងៃទី២៧ ខែវិច្ឆិកា ឆ្នាំ២០១៧ ជនសង្ស័យឈ្មោះ កែវ នី ភេទស្រី អាយុ៣៩ឆ្នាំ មានទីលំនៅភូមិក្រាំងពលទេព សង្កាត់រការធំ ក្រុងច្បារមន ខេត្តកំពង់ស្ពឺ ។
ប្រភពបញ្ជាក់ថា កាលពីម៉ោង០១រំលងអធ្រាត្រ ថ្ងៃទី០២ ខែតុលា ឆ្នាំ២០១៧ មានករណីគាស់ផ្ទះលក់ចាប់ហួយមួយបានកើតឡើងនៅផ្ទះរបស់ឈ្មោះ មឿន សោភា ភេទស្រី អាយុ៤០ឆ្នាំ នៅភូមិរលាំងសង្កែ សង្កាត់សុពរ័ទេព ក្រុងច្បារមន ។ ពេលនោះក្រុមជនសង្ស័យបានយកស្រាបៀរកម្ពុជា៣០កេស ទឺកសុទ្ធ៨កេស ទៅលក់យកលុយចែកគ្នាចាយអស់ទៅ ។ ពេលនោះសមត្ថកិច្ចបានបើកការស្រាវជ្រាវអស់រយៈពេលជាងមួយខែ ទើបបំបែកករណីនេះបាន ។ ក្រុមជនសង្ស័យដែលឃាត់ខ្លួនបានកាលពីព្រឹកថ្ងៃទី២៨ ខែវិច្ឆិកា ឆ្នាំ២០១៧ ចំនួន៤នាក់នេះ មានទីលំនៅភូមិក្រាំងពលទេព សង្កាត់រការធម ក្រុងច្បារមន ។ ១.ឈ្មោះ ងួន មេសា អាយុ១៩ឆ្នាំ ២.ឈ្មោះ កា ដាវី អាយុ២០ឆ្នាំ ២.ឈ្មោះ ខឹម ទូច ភេទស្រី អាយុ៦០ឆ្នាំ និង៤.ឈ្មោះ អ៊ុំ ស្រីនាង ភេទស្រី អាយុ២៥ឆ្នាំ ។ ក្រោយឃាត់ខ្លួន ក្រុមជនសង្ស័យបានឆ្លើយសារភាពថា ក្រុមរបស់គេពិតជាបានធ្វើសកម្មភាពគាស់ផ្ទះរបស់គេពិតមែន ។
បច្ចុប្បន្ន ក្រុមជនសង្ស័យកំពុងឃាត់ខ្លួននៅការិយាល័យព្រហ្មទណ្ឌកំរិតធ្ងន់ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី ៕
ចែករំលែកព័តមាននេះ