ខេត្តពោធិ៍សាត់ ៖ រថយន្ដ០៥គ្រឿងបានបុកប៉ះទង្គិចគ្នា ប៉ុន្តែមិនបណ្ដាលឲ្យមានមនុស្សស្លាប់នោះទេ គ្រាន់តែរបួសស្រាល០៣នាក់ប៉ុណ្ណោះ ។ ករណីគ្រោះថ្នាក់ចរាចរណ៍នេះបានកើតឡើងលើកំណាត់ផ្លូវជាតិលេខ៥ ភូមិមាន់ចែ សង្កាត់ព្រៃញី ក្រុងពោធិ៍សាត់ វេលាម៉ោង០៨និង៤០នាទីព្រឹកថ្ងៃទី២៨ ខែវិច្ឆិកា ឆ្នាំ២០១៧ ។
នគរបាលចរាចរណ៍ផ្លូវគោកបានឲ្យដឹងថា គ្រោះថ្នាក់ចរាចរណ៍នេះបង្កឡើងដោយរថយន្ដមួយគ្រឿង ពណ៌បៃតងចាស់ ស្លាកលេខបាត់ដំបង៣A-០៥៥១ ដឹកស្រូវធ្វើដំណើរយ៉ាងលឿនពីលិចទៅកើតទៅដល់ចំណុចកើតហេតុទំនងជាអ្នកបើកងងុយដេកងោគមួយភាំងទើបធ្វើឲ្យរថយន្ដរ៉េចង្កូតទៅឆ្វេងបុករះជញ្ជាំងរថយន្ដ រួចហើយជ្រុលទៅបុករថយន្ដមួយចំពីមុខរុញថយក្រោយទៅប៉ះរថយន្ដមួយទៀត និងរថយន្ដហ្វតដែលកំពុងបង្អង់ល្បឿនមកពីមុខ ។ រថយន្ដបង្ក និងរថយន្ដ ពណ៌ស ស្លាកលេខភ្នំពេញ៣B-០៥៥៧ ខ្ទេចមុខទាំងពីររបួសអ្នកបើកបរ និង០៣នាក់ស្រាល ។ ចំណែករថយន្ដពណ៌ទឹកប្រាក់ពាក់ស្លាកលេខភ្នំពេញ២V-៨៩៨៤ កំពិតមុខយ៉ាងដំណំ និងរថយន្ដហ្វតពណ៌សពាក់ស្លាកលេខភ្នំពេញ២AB- ៩០៦៦មួយគ្រឿងទៀត គ្រាន់តែឆូតទ្វាខាងឆ្វេងតិចតួចប៉ុណ្ណោះ ។
គ្រោះថ្នាក់ចរាចរណ៍រថយន្ដ០៥គ្រឿងបុកបន្តគ្នានេះ បង្កឲ្យស្ទះចរាចរណ៍ផងដែរ ប៉ុន្តែសំណាងល្អដែលមិនមានមនុស្សស្លាប់ និងរងរបួសធ្ងន់គ្រាន់តែរបួសស្រាល០៣នាក់ប៉ុណ្ណោះ។ រថយន្ដទាំង០៥គ្រឿងសមត្ថកិច្ចបានយកទៅរក្សាទុកនៅស្នងការដ្ឋាននគរបាលខេត្តពោធិ៍សាត់ដើម្បីដោះស្រាយទៅតាមច្បាប់ចរាចរណ៍ផ្លូវគោក ៕
ចែករំលែកព័តមាននេះ