ខេត្តកំពង់ឆ្នាំង ៖ មនុស្ស៧នាក់បានរងរបួសធ្ងន់ និងស្រាល ក្នុងពេលដែលអ្នកបើកបររថយន្តរ៉េចង្កូតជ្រុលទៅធ្លាក់ស្ពានខ្សាមនៅម៉ោង១១និង៤៥នាទីយប់ថ្ងៃទី២៤ ខែវិច្ឆិកា ឆ្នាំ២០១៧ នៅតាមផ្លូវជាតិលេខ៥ ស្ថិតនៅសង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។
ជនរងគ្រោះក្នុងរថយន្តចំនួន៧នាក់ ទី១- ឈ្មោះ ប៊ុនម៉ៅ ភេទប្រុស អាយុ៥៥ឆ្នាំ រងរបួសធ្ងន់ ទី២- ឈ្មោះ សោមវឿន ភេទស្រី អាយុ៥៥ឆ្នាំ ទី៣- ឈ្មោះ ម៉ៅ សុឃឿន ភេទប្រុស អាយុ២២ឆ្នាំ ទី៤- ម៉ៅ សុគឿន ភេទស្រី អាយុ២៦ឆ្នាំ ទី៥- សែន ពិសិដ្ឋ ភេទប្រុស អាយុ៦ឆ្នាំ ទី៦- ឈ្មោះសែន វាសនា ភេទប្រុស អាយុ៥ឆ្នាំ និងទី៧- ឈ្មោះ សែន សីហា ភេទប្រុស អាយុ៧ខែ ជនរងគ្រោះទាំងនេះរងរបួសស្រាល ។ ទាំងអស់គ្នារស់នៅក្នុងរស់នៅភូមិសាមគ្គីភាព ឃុំវាពុំ ស្រុកឧត្តុង្គ ខេត្តកំពង់ស្ពឺ ។
សមត្ថកិច្ចបានឲ្យដឹងថា នៅមុនពេលកើតហេតុ ក្រុមគ្រួសារនេះបានជិះរថយន្តស៊េរីឆ្នាំ៨៩ ពណ៌ស ស្លាកលេខ ជភ្នំពេញ២B-៤៩៥១ ធ្វើដំណើរពីឡែមខេត្តបាត់ដំបង ឆ្ពោះមកស្រុកឧត្តុង្គខេត្តកំពង់ស្ពឺ ពេលបើកពីខេត្តបាត់ដំបង គឺឪពុកជាអ្នកបើករហូតដល់ស្រុកក្រគរ ខេត្តពោធិ៍សាត់ឪពុកបានឲ្យកូនប្រុសបើកវិញ លុះបើកមកដល់ចំណុចគល់ស្ពានខ្សាម កូនដែលជាអ្នកបើកងោកមួយភ្នែតស្រាប់តែ បណ្តាលឲ្យរថយន្តធ្លាក់ផ្លូវតែម្តង ហើយជ្រុលធ្លាក់ស្ពានខ្សាម បណ្តាលឲ្យរងគ្រោះធ្ងន់ស្រាលទាំង៧នាក់តែម្តង និងត្រូវបានយកទៅសង្គ្រោះនៅមន្ទីរពេទ្យខេត្ត ។
នៅព្រឹកថ្ងៃទី២៥ ខែវិច្ឆិកា សមត្ថកិច្ចនគរបាលបានស្ទូចរថយន្តមករក្សាទុកនៅអធិការនគរបាលក្រុង ដើម្បីទុកដោះស្រាយតាមនិតិវិធី ៕
ចែករំលែកព័តមាននេះ