សារព័ត៌មានបរទេសកាលពីពេលថ្មីៗកន្លងមកផ្សាយថា អំឡុងពេលនៃដំណាច់ឆ្នាំ២០១៧ នេះជាពេលដែលអ្នកទេសចរនៅលើពិភពលោកមានចំណាប់អារម្មណ៍ដើរលេងកម្សាន្ត ។
ចំពោះប្រទេសណាដែលមានធម្មជាតិស្រស់ស្អាតគួរឲ្យចង់គយគន់ ទាំងនៅតំបន់ភ្នំ ខ្ពង់រាប និងវាលទំនាប គឺជាចំណុចទាក់ទាញអ្នកទេសចរ ។ លើសពីនេះប្រសិនបើប្រទេសទាំងនោះមានទីតាំងកម្សាន្តសប្បាយ មានក្លឹបកម្សាន្ត និងមានសុវត្ថិភាពចំពោះការដើរកម្សាន្តរឹតតែទាក់ទាញអ្នកទេសចរថែមទៀត ។
ជាក់ស្ដែងនៅប្រទេសអាល្លឺម៉ង់មានរថយន្តក្រុងទំនើបមួយយ៉ាងពិសេសសម្រាប់ការធ្វើដំណើរកម្សាន្ត ។ រថយន្តនោះបង្កើតឡើងដោយក្រុមហ៊ុន«The Volkner Mobil Performance» ហៅថារថយន្តផ្ទះមានតម្លៃជិត២លានដល្លារ ។ រថយន្តផ្ទះចេញម៉ូដដោយជនជាតិអាល្លឺម៉ង់ ផ្នែកខាងក្នុងមតុបតែងឧបករណ៍ប្រើប្រាស់គ្រប់ប្រភេទសម្រាប់ក្រុមគ្រួសារ ហើយនៅផ្នែកខាងក្នុងមានកន្លែងសម្រាប់ចតរថយន្ត ។ មានន័យថា រថយន្តប្រភេទនេះគឺជាសណ្ឋាគារកម្រិតផ្កាយ៥ ៕
ចែករំលែកព័តមាននេះ