បញ្ហា និងដំណោះស្រាយមួយចំនួនសម្រាប់ iPhone X
iPhone X អាចនឹងមានចំណុចជាច្រើនខុសពី iPhone ដទៃ ប៉ុន្តែវានៅតែមានបញ្ហាមួយចំនួន ។ ខាងក្រោមនេះ គឺជាបញ្ហាដែលអ្នកប្រើប្រាស់ប្រទះឃើញ និងដំណោះស្រាយផងដែរ…
iPhone X អាចនឹងមានចំណុចជាច្រើនខុសពី iPhone ដទៃ ប៉ុន្តែវានៅតែមានបញ្ហាមួយចំនួន ។ ខាងក្រោមនេះ គឺជាបញ្ហាដែលអ្នកប្រើប្រាស់ប្រទះឃើញ និងដំណោះស្រាយផងដែរ…
iPhone X អាចនឹងមានចំណុចជាច្រើនខុសពី iPhone ដទៃ ប៉ុន្តែវានៅតែមានបញ្ហាមួយចំនួន ។ ខាងក្រោមនេះ គឺជាបញ្ហាដែលអ្នកប្រើប្រាស់ប្រទះឃើញ និងដំណោះស្រាយផងដែរ ។
១-បញ្ហាស្គ្រីន ៖
បន្ទាប់ពីបានដាក់លក់ iPhone X មិនយូរប៉ុន្មាន Apple បានចេញសេចក្តីប្រកាសមួយទាក់ទងនឹងបច្ចេកវិទ្យាស្គ្រីន OLED របស់ទូរស័ព្ទ ។ ក្រុមហ៊ុននេះកត់សម្គាល់ថា ពេលខ្លះ រូបភាពអាចផ្តិតជាប់នឹងស្គ្រីន មានន័យថា បើអ្នកដំណើរការកម្មវិធីអ្វីមួយយូរពេក រូបភាពលើកម្មវិធីនេះ អាចផ្តិតជាប់នឹងស្គ្រីនទូរស័ព្ទ។ ដូច្នេះ ពេលចូលទៅប្រើកម្មវិធីផ្សេង អ្នកនៅតែមើលឃើញស្នាមរូបភាពកម្មវិធីមុនដដែល ។
ដើម្បីដោះស្រាយបញ្ហានេះ Apple ផ្តល់យោបល់ឲ្យអ្នកប្រើប្រាស់បន្ថយពន្លឺទូរស័ព្ទ ។ ដើម្បីធ្វើដូច្នេះបាន សូមចូលទៅកាន់ Control Center និងទាញពន្លឺចុះ ជាការស្រេច ។
វិធីមួយទៀត គឺបើក Auto-Lock មានន័យថា ទូរស័ព្ទនឹង Lock ដោយខ្លួនឯង នៅពេលមិនប្រើប្រាស់ ។ ដើម្បីបើកវា សូមចូលទៅកាន់ Settings រួចចុចចូល Displays & Brightness និងជ្រើសយក Auto-Lock ។
២-ទូរស័ព្ទមិនដំណើរការពេលសីតុណ្ហភាពទាបពេក ៖
អ្នកប្រើប្រាស់មួយចំនួនរាយការណ៍ថា iPhone X មិនដំណើរការពេលដែលពួកគេស្ថិតក្នុងសីតុណ្ហភាពទាបខ្លាំង ។ ដើម្បីដោះស្រាយវា អ្នកប្រើប្រាស់មួយចំនួនថា គ្រាន់តែ Lock រួច Unlock ទូរស័ព្ទរបស់អ្នកឡើងវិញជាការស្រេច ។ Apple ក៏បានអះអាងថា ពួកគេនឹងដោះស្រាយបញ្ហានេះតាមការ Update ផងដែរ ។
៣-ការបែកសំឡេង នៅពេលបើកឮខ្លាំង ៖
អ្នកប្រើប្រាស់មួយចំនួនទៀតនិយាយថា ពួកគេឮការបែកសំឡេង នៅពេលបើកសំឡេងទូរស័ព្ទខ្លាំងពេក ។ វាមិនទាន់ច្បាស់នៅឡើយទេថា បញ្ហានេះទាក់ទិននឹង Hardware ឬ Software ប៉ុន្តែ Apple កំពុងតែស្វែងរកដំណោះស្រាយហើយ ។
មុនពេល Apple រកឃើញដំណោះស្រាយ យើងអាចបន្ថយសំឡេង ឬប្រើប្រាស់កាសត្រចៀកពេលស្តាប់ជាការស្រេច ៕
ចែករំលែកព័តមាននេះ