ខេត្តពោធិ៍សាត់ ៖ គ្រោះថ្នាក់ចរាចរណ៍មួយរវាងគោយន្ដ និងម៉ូតូបានបណ្ដាលឲ្យមនុស្ស០២នាក់រងរបួសបែកក្បាល និងបាក់ជើងម្ខាងធ្ងន់ កាលពីវេលាម៉ោង១៩និង៣០នាទីយប់ថ្ងៃទី២១ ខែវិច្ឆិកា ឆ្នាំ២០១៧ ផ្លូវកៅស៊ូមួយខ្សែស្ថិតក្នុងភូមិចេកចៅ ឃុំកំពង់ពោធិ៍…
ខេត្តពោធិ៍សាត់ ៖ គ្រោះថ្នាក់ចរាចរណ៍មួយរវាងគោយន្ដ និងម៉ូតូបានបណ្ដាលឲ្យមនុស្ស០២នាក់រងរបួសបែកក្បាល និងបាក់ជើងម្ខាងធ្ងន់ កាលពីវេលាម៉ោង១៩និង៣០នាទីយប់ថ្ងៃទី២១ ខែវិច្ឆិកា ឆ្នាំ២០១៧ ផ្លូវកៅស៊ូមួយខ្សែស្ថិតក្នុងភូមិចេកចៅ ឃុំកំពង់ពោធិ៍ ស្រុកក្រគរ ខេត្តពោធិ៍សាត់ ។
ជនរងគ្រោះទី១ – នៅ ខៃ អាយុ ១៩ឆ្នាំ ជនជាតិខ្មែរ រស់នៅភូមិកណ្ដុរស ឃុំបឹងកន្ទួត ស្រុកក្រគរ ជាអ្នកបើកម៉ូតូរបួសបែកក្បាលហូរឈាម ទី២- បូ សុបិន្ត អាយុ១៥ឆ្នាំ ជនជាតិខ្មែរ រស់នៅភូមិមាត់ព្រៃ ឃុំកំពង់ពោធិ៍ ស្រុកក្រគរ របួសបាក់ជើងខាងស្តាំជាអ្នករួមដំណើរ ។
នគរបាលផ្នែកសណ្ដាប់ធ្នាប់នៃអធិការដ្ឋានបានឲ្យដឹងថា ហេតុការណ៍នេះបង្កឡើងដោយភាគីបើកគោយន្តកន្ត្រៃបានធ្វើដំណើរក្នុងទិសដៅពីត្បូងទៅខាងជើង លុះទៅដល់ចំណុចកើតហេតុមិនដឹងជាយ៉ាងម៉េច ស្រាប់តែជ្រុលចង្កូតទៅបុកម៉ូតូមួយគ្រឿង ពណ៌ខ្មៅលាយស ពាក់ស្លាកលេខ កណ្ដាល១D-៧៦៧៩ ខណៈដែលកំពុងធ្វើដំណើរបញ្ច្រាសទិសគ្នា បណ្ដាលឲ្យភាគីខាងម៉ូតូ០២នាក់ ម្នាក់បែកក្បាលហូរឈាម និងម្នាក់ទៀតបាក់ជើងម្ខាងរងរបួសយ៉ាងធ្ងន់ធ្ងរ ។
ជនរងរងគ្រោះទាំងពីរនាក់សមត្ថកិច្ច បានបញ្ជូនទៅព្យាបាលនៅមន្ទីរពេទ្យបង្អែកខេត្តពោធិ៍សាត់ ។ ចំណែកវត្ថុតាងម៉ូតូ និងគោយន្តកន្ត្រៃសមត្ថកិច្ចបានយកទៅរក្សាទុកជាបណ្ដោះអាសន្ន នៅប៉ុស្តិ៍នគរបាលរដ្ឋបាល ដើម្បីដោះស្រាយទៅតាមច្បាប់ចរាចរណ៍ផ្លូវគោក ៕
ចែករំលែកព័តមាននេះ