ខេត្តស្វាយរៀង ៖ មានគ្រោះថ្នាក់ចរាចរណ៍មួយរវាងរថយន្តជាមួយម៉ូតូសេ១២៥ បុកគ្នាលាន់ដូចរន្ទះបណ្តាលឲ្យបុរស២នាក់រងរបួសធ្ងន់សន្លប់នៅនឹងកន្លែងកាលពីវេលាម៉ោង២និង៣០នាទីរសៀលថ្ងៃទី១៩ ខែវិច្ឆិកា ឆ្នាំ២០១៧ នៅលើកំណាត់ផ្លូវលេខ២០៨ ចំណុចបំបែកជា៤ ភូមិរោងបន្លែ សង្កាត់ស្វាយរៀង…
ខេត្តស្វាយរៀង ៖ មានគ្រោះថ្នាក់ចរាចរណ៍មួយរវាងរថយន្តជាមួយម៉ូតូសេ១២៥ បុកគ្នាលាន់ដូចរន្ទះបណ្តាលឲ្យបុរស២នាក់រងរបួសធ្ងន់សន្លប់នៅនឹងកន្លែងកាលពីវេលាម៉ោង២និង៣០នាទីរសៀលថ្ងៃទី១៩ ខែវិច្ឆិកា ឆ្នាំ២០១៧ នៅលើកំណាត់ផ្លូវលេខ២០៨ ចំណុចបំបែកជា៤ ភូមិរោងបន្លែ សង្កាត់ស្វាយរៀង ក្រុងស្វាយរៀង ។
មន្ត្រីនគបាលអធិការដ្ឋានក្រុងស្វាយរៀងបានឲ្យដឹងថា គ្រោះថ្នាក់ចរាចរណ៍នេះរថយន្តម៉ាក៥៧០ ពណ៌ស ស្លាកលេខ ភ្នំពេញ២BB-៧០០៧ អ្នកបើកឈ្មោះផល សំបូរ ភេទប្រុស អាយុ២៨ឆ្នាំ មានទីលំស្រុកកំណើតនៅភូមិព្រែកក្របៅ ឃុំស្រែអំពិល ស្រុកខ្សាច់កណ្ដាល ខេត្តកណ្ដាល ។
ប្រភពដដែលបន្តថា មុនពេលកើតហេតុរថយន្តបើកយ៉ាងលឿនលុះមកដល់ផ្លូវបំបែកជាបួនក៏មានម៉ូតូមួយគ្រឿង ដាសេ១២៥ ពណ៌ខ្មៅ ស្លាកលេខ ស្វាយរៀង ១I-៣៧៦១ បើកដោយ ប្រាក់ យឿន ភេទប្រុស អាយុ៤៤ឆ្នាំ មុខរបរបើកបររថយន្ដនៅរោងចក្រ រស់នៅភូមិរោទិ៍ ឃុំញរ ស្រុកកំពង់រោទិ៍ ខេត្តស្វាយរៀង បើកពីទិសខាងលិចទៅកើតយ៉ាងលឿនដូចគ្នាក៏បានបុកគ្នាជាមួយរថយន្ត៥៧០ ពេញទំហឹងលាន់ដូចរន្ទះ ។ ខណៈនោះរថយន្តកិនជាប់លើម៉ូតូបណ្តាលឲ្យអ្នកបើកម៉ូតូដួលបោកក្បាលទៅលើថ្នល់រងរបួសធ្ងន់ធ្ងរបែកក្បាល និងបាក់កជើងខាងស្ដាំសន្លប់នៅនឹងកន្លែង ។ រីឯអ្នករួមដំណើរឈ្មោះ នង សំបូរ ភេទប្រុស អាយុ៥៦ឆ្នាំ មុខរបរកសិករ រស់នៅភូមិព្រៃត្រុំ ឃុំញរ ស្រុកកំពង់រោទិ៍ ខេត្តស្វាយរៀង ។
មូលហេតុ ម៉ូតូមិនគោរពសិទ្ធិអាទិភាពផ្លូវបំបែកបើកបរល្បឿនលឿន ហើយមិនពាក់មួកសុវត្ថិភាព ។ ក្រោយពីធ្វើការវាស់វែងរួចសមត្ថកិច្ចយករថយន្ត និងម៉ូតូទៅរក្សាទុកនៅអធិការដ្ឋាននគបាលក្រុងស្វាយរៀងរង់ចាំដោះស្រាយតាមនីតិវិធីច្បាប់ ។
ចែករំលែកព័តមាននេះ