ខេត្តពោធិ៍សាត់ទទួលបានវារីអគ្គិសនីនៅឆ្នាំ២០១៨ខាងមុខនេះ
- ពោធិ៍សាត់
ខេត្តពោធិ៍សាត់ ៖ លោកបណ្ឌិត ម៉ៅ ធនិន អភិបាលនៃគណអភិបាលខេត្តពោធិ៍សាត់បានអនុញ្ញាតឲ្យលោក KIM MYUNG IL អគ្គនាយកក្រុមហ៊ុន…
ខេត្តពោធិ៍សាត់ ៖ លោកបណ្ឌិត ម៉ៅ ធនិន អភិបាលនៃគណអភិបាលខេត្តពោធិ៍សាត់បានអនុញ្ញាតឲ្យលោក KIM MYUNG IL អគ្គនាយកក្រុមហ៊ុន…
ខេត្តពោធិ៍សាត់ ៖ លោកបណ្ឌិត ម៉ៅ ធនិន អភិបាលនៃគណអភិបាលខេត្តពោធិ៍សាត់បានអនុញ្ញាតឲ្យលោក KIM MYUNG IL អគ្គនាយកក្រុមហ៊ុន KTC របស់កូរ៉េចូលជួបសម្តែងការគួរសម និងពិភាក្សាលើគម្រោងសាងសង់ទំនប់វារីអគ្គិសនី កាលពីរសៀលថ្ងៃទី១៨ ខែវិច្ឆិកា ឆ្នាំ២០១៧ នៅស្ទឹងពោធិ៍សាត់មួយ ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ ។
លោក KIM MYUNG IL ជម្រាបជូនអំពីគោលបំណងនៃការវិនិយោគថាមពលអគ្គិសនី នៅក្នុងទឹកដីខេត្តពោធិ៍សាត់រួចមកលោកបណ្ឌិត ម៉ៅ ធនិន មានប្រសាសន៍ថា ជាការពិតណាស់ថាក្រុមហ៊ុន KTC ពិតជាបានចូលរួមចំណែក ក្នុងការអភិវឌ្ឍន៍ប្រទេសកម្ពុជា តាមរយៈការវិនិយោគរោងចក្រផ្គត់ផ្គង់គ្រឿងសំណង់ និងវិនិយោគក្រុមហ៊ុនផ្សេងៗទៀត។
លោកអភិបាលខេត្តបានកោតសរសើរដល់ក្រុមហ៊ុន និងបានគាំទ្រដល់ការអនុវត្តន៍គម្រោងសាងសង់ទំនប់វារីអគ្គិសនីក៏ដូចជាតំបន់ទេសចរណ៍ ក្នុងទឹកដីខេត្តពោធិ៍សាត់ ដែលជាតម្រូវការនៃការអភិវឌ្ឍន៍របស់ប្រទេសកម្ពុជា ។ លោកនឹងរៀបចំក្រុមការងារ ចុះដោះស្រាយផលប៉ះពាល់នៃការអនុវត្តគម្រោងនេះឲ្យបានលឿន និងប្រកបដោយផ្លែផ្កា ។
សូមបញ្ជាក់ថា គម្រោងទំនប់វារីអគ្គិសនី ស្ទឹងពោធិ៍សាត់ដែលនឹងត្រូវសាងសង់ដោយក្រុមហ៊ុន KTC របស់កូរ៉េនៅឆ្នាំ២០១៨ ខាងមុខនេះមានអនុភាព៨០MKW មានចម្ងាយពីផ្លូវជាតិលេខ៥ ទីរួមខេត្តពោធិ៍សាត់ជាង៩០គីឡូម៉ែត្រ ស្ថិតក្នុងភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ មានប្រវែងជិត១គីឡូម៉ែត្រ កម្ពស់ប្រមាណ១០០ម៉ែត្រ នៅចន្លោះភ្នំពីរសងខាង ដែលមានរយៈកម្ពស់៥០០ម៉ែត្រ ធៀបនឹងនីវ៉ូទឹកសមុទ្រ ដែលមានចរន្តទឹកហូរទាំងប្រាំង និងវស្សា ៕
ចែករំលែកព័តមាននេះ