រាជធានីភ្នំពេញ ៖ ក្រោយពីគណបក្សប្រឆាំងធំមួយនៅកម្ពុជា ត្រូវបានសាលដីកាតុលាការកំពូលសម្រេចរំលាយចោលកាលពីថ្ងៃទី១៦ ខែវិច្ឆិកា កន្លងទៅ បណ្តាប្រទេសលោកខាងលិចមួយចំនួនបានបង្ហាញនូវការព្រួយបារម្ភ ដោយលើកឡើងថា នេះការរំលាយបក្សសង្គ្រោះជាតិ គឺជាការដើរថយក្រោយនៃលទ្ធិប្រជាធិបតេយ្យ និងវិបត្តិនយោបាយធ្ងន់ធ្ងរ។
យ៉ាងណាមិញសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានលើកឡើងក្នុងបណ្តាញសង្គមហ្វេសប៊ុករបស់សម្តេចថា កម្ពុជាកំពុងតែមានសុខសន្តិភាពល្អ និងគ្មានទេ វិបត្តិនយោបាយនោះ។
សម្តេចមានប្រសាសន៍ថា៖ «ខ្ញុំសូមបញ្ជាក់ថា កម្ពុជាគ្មានវិបត្តិនយោបាយទេ គឺមានតែអ្នកនយោបាយដែលមានវិបត្តិដោយខ្លួនឯងផ្ទាល់។ ហើយប្រទេសយើងក៏គ្មានអ្នកទោសនយោបាយដែរ មានតែអ្នកនយោបាយដែលប្រព្រឹត្តិបទឧក្រិដ្ឋដោយខ្លួនឯង»។ ប្រទេសជាតិយើងសព្វថ្ងៃ កំពុងមានស្ថិរភាពនយោបាយ ហើយប្រជាពលរដ្ឋទូទាំងប្រទេសក៏កំពុងរស់នៅ និងប្រកបការងារយ៉ាងសុខសាន្តក្រោមម្លប់សន្តិភាព ៕
ចែករំលែកព័តមាននេះ