ខេត្តកំពង់ឆ្នាំង ៖ បុរសជាម្ចាស់ផ្ទះត្រូវបានសមត្ថកិច្ចនគរបាលមូលដ្ឋានសហការជាមួយសមត្ថកិច្ចនគរបាលការិយាល័យប្រឆាំងគ្រឿងញៀន របស់ស្នងការដ្ឋាននគរបាលខេត្ត ធ្វើការចាប់ឃាត់ខ្លួន នៅវេលាម៉ោង៣និង៣០នាទីរសៀលថ្ងៃទី១៨ ខែវិច្ឆិកា ឆ្នាំ២០១៧ នៅភូមិអូរ ឃុំ…
ខេត្តកំពង់ឆ្នាំង ៖ បុរសជាម្ចាស់ផ្ទះត្រូវបានសមត្ថកិច្ចនគរបាលមូលដ្ឋានសហការជាមួយសមត្ថកិច្ចនគរបាលការិយាល័យប្រឆាំងគ្រឿងញៀន របស់ស្នងការដ្ឋាននគរបាលខេត្ត ធ្វើការចាប់ឃាត់ខ្លួន នៅវេលាម៉ោង៣និង៣០នាទីរសៀលថ្ងៃទី១៨ ខែវិច្ឆិកា ឆ្នាំ២០១៧ នៅភូមិអូរ ឃុំ ពន្លៃ ស្រុកបរិបូរណ៍ ដោយចោទប្រកាន់ពីបទ រក្សាទុក និងចែកចាយថ្នាំញៀន ។
សមត្ថកិច្ចនគរបាលស្រុកបរិបូរណ៌បានឲ្យដឹងថា បានទទួលព័ត៌មានពីប្រជាពលរដ្ឋស្តីពីការលួចលាក់ចែកចាយថ្នាំញៀននៅផ្ទះរបស់ឈ្មោះអ៊ុក ស៊ឺន ភេទប្រុស អាយុ៤៤ឆ្នាំ នៅភូមិអូរ ឃុំពន្លៃ សមត្ថកិច្ចនគរបាលស្រុក និងខេត្តបានសហការគ្នាចុះចាប់ឃាត់ខ្លួន និងបានធ្វើការឆែកឆេរដោយដកហូតថ្នាំញៀន ប្រភេទម៉ាទឹកកកចំនួន២កញ្ចប់ និងឧបករណ៍ជក់មួយចំនួន ។ ក្រៅពីនោះនូវបានដកហូតដាវសាម៉ូរ៉ៃចំនួន២ដើម កាំបិតស្នៀត០២ ឧបករណ៍ឆក់ត្រីចំនួន០៣គ្រឿង និងអាវុធកែច្នៃចំនួន០២ដើម ។
ក្រោយពីនាំមកកាន់ស្នងការដ្ឋានសមត្ថកិច្ចនគរបាលខេត្តកំពង់ឆ្នាំង បានកសាងសំណុំរឿងបញ្ជូន ជនសង្ស័យរួមនឹងវត្ថុតាងបញ្ជូនទៅតុលាការតាមនីតិវិធី ៕
ចែករំលែកព័តមាននេះ