ខេត្តពោធិ៍សាត់ ៖ មុខសញ្ញាប្រើប្រាស់ និងជួញដូរដោយខុសច្បាប់នូវសារធាតុញៀនចំនួន០៣នាក់រួមទាំងវត្ថុតាងបានត្រូវសមត្ថកិច្ចស្រុកបាកានឃាត់ខ្លួនកាលពីវេលាម៉ោង១០នឹង២៥នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៧ ត្រង់ចំណុចក្បែរបងវត្តកោះកែវ ស្ថិតក្នុងភូមិកោះកែវ ឃុំត្រពាំងជង…
ខេត្តពោធិ៍សាត់ ៖ មុខសញ្ញាប្រើប្រាស់ និងជួញដូរដោយខុសច្បាប់នូវសារធាតុញៀនចំនួន០៣នាក់រួមទាំងវត្ថុតាងបានត្រូវសមត្ថកិច្ចស្រុកបាកានឃាត់ខ្លួនកាលពីវេលាម៉ោង១០នឹង២៥នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៧ ត្រង់ចំណុចក្បែរបងវត្តកោះកែវ ស្ថិតក្នុងភូមិកោះកែវ ឃុំត្រពាំងជង ស្រុកបាកាន ខេត្តពោធិ៍សាត់ ។
សមត្ថកិច្ចឲ្យដឹងថា មុខសញ្ញាជនសង្ស័យទាំង០៣នាក់នេះមាន ទី១-ឈ្មោះ ឆេង ឆឹង ភេទប្រុស អាយុ២១ឆ្នាំ រស់នៅភូមិព្រះអំពិល ឃុំបឹងបត់កណ្ដោល ស្រុកបាកាន, ទី២-ឈ្មោះ ហួត ស៊ីដែន ភេទប្រុស អាយុ១៨ឆ្នាំ រស់នៅភូមិស្ទឹងកំបុត្រ ឃុំត្រពាំងជង ស្រុកបាកាន និងទី៣-ឈ្មោះ ព្រាប ពៅ ភេទប្រុស អាយុ២៨ឆ្នាំ រស់នៅភូមិកោះកែវ ឃុំត្រពាំងជង ស្រុកបាកាន ខេត្តពោធិ៍សាត់ ។ ក្នុងកិច្ចប្រតិបត្តិការខាងលើនេះកម្លាំងបានដកហូតនូវវត្ថុតាងរួមមាន ម្សៅក្រាមសថ្លាដែលជាសារធាតុញៀនចំនួន១៣កញ្ចប់ ម៉ូតូ១គ្រឿង និងឧបករណ៍មួយចំនួនទៀត ។
មុខសញ្ញាជនសង្ស័យ០២នាក់សមត្ថកិច្ចបានធ្វើកិច្ចសន្យាអប់រំណែនាំដោយមានឪពុកម្ដាយ និងអាណាព្យាបាលមកធានា ។ ដោយឡែកមុខសញ្ញាឈ្មោះ ព្រាប ពៅ រួមទាំងវត្ថុតាងបានបញ្ជូនទៅសាលាដំបូងខេត្តដើម្បីចាត់ការបន្តតាមនីតិវិធី ៕
ចែករំលែកព័តមាននេះ