ប្រជាពលរដ្ឋថា៖ លក់តែស្រែទេ មិនមែនលក់ទាំងភ្លឺស្រែទេ
- ស្វាយរៀង
ខេត្តស្វាយរៀង ៖ ប្រជាពលរដ្ឋជិត២០គ្រួសារ នៅភូមិស្វាយតឿ និងភូមិឃោសាង សង្កាត់ស្វាយតឿ ក្រុងស្វាយរៀង បានអំពាវនាវសុំក្តីមេត្តា ពីសម្តេចអគ្គមហាសេនាបតីតេជោ ហ៊ុន…
ខេត្តស្វាយរៀង ៖ ប្រជាពលរដ្ឋជិត២០គ្រួសារ នៅភូមិស្វាយតឿ និងភូមិឃោសាង សង្កាត់ស្វាយតឿ ក្រុងស្វាយរៀង បានអំពាវនាវសុំក្តីមេត្តា ពីសម្តេចអគ្គមហាសេនាបតីតេជោ ហ៊ុន…
ខេត្តស្វាយរៀង ៖ ប្រជាពលរដ្ឋជិត២០គ្រួសារ នៅភូមិស្វាយតឿ និងភូមិឃោសាង សង្កាត់ស្វាយតឿ ក្រុងស្វាយរៀង បានអំពាវនាវសុំក្តីមេត្តា ពីសម្តេចអគ្គមហាសេនាបតីតេជោ ហ៊ុន សែន មេត្តាជួយអន្តរាគមន៍ដោះស្រាយ បើកផ្លូវឲ្យប្រជាពលរដ្ឋបានធ្វើដំណើរចេញចូលផ្ទះដោយក្តីអនុគ្រោះ។ ដោយក្រុមហ៊ុន ឈីលូ បានធ្វើរបងបិទផ្លូវពួកគាត់មិនអាចធ្វើដំណើរចេញពីផ្ទះទៅរកផ្លូវជាតិលេខ១ និងគ្មានផ្លូវចូលទៅផ្ទះទេ សូមឲ្យក្រុមហ៊ុនឈីលូ រក្សាទុកប្រឡោះរបងចំនួន០១កន្លែងប្រវែង០៤ម៉ែត្រ ដើម្បីទុកឲ្យប្រជាពលរដ្ឋសម្រាប់ប្រើប្រាស់ធ្វើជាផ្លូវចេញចូលផ្ទះ។ ប្រជាពលរដ្ឋធ្វើការអំពាវនាវនេះកើតឡើងនៅវេលាម៉ោង១០ព្រឹក ថ្ងៃទី១៦ វិច្ឆិកា ២០១៧ នៅចំណុចកើតហេតុជាប់របងតំបន់សេដ្ឋកិច្ចឈីលូ ស្ថិតនៅភូមិស្វាយតឿ សង្កាត់ស្វាយតឿ ក្រុងស្វាយរៀង។
បើតាមប្រជាពលរដ្ឋឈ្មោះ សុខ កេត ភេទប្រុស អាយុ៤៦ឆ្នាំ រស់នៅភូមិស្វាយតឿ សង្កាត់ស្វាយតឿ ក្រុងស្វាយរៀង និងជាតំណាងឲ្យប្រជាពលរដ្ឋរងគ្រោះបានប្រាប់អ្នកសារព័ត៌មានឲ្យដឹងថា ប្រជាពលរដ្ឋរស់នៅជាប់តំបន់សេដ្ឋកិច្ចឈីលូ នេះមាន១០ខ្នងផ្ទះ មាន២០គ្រួសារ រស់នៅចេញចូលផ្ទះ និងចេញចូលទៅធ្វើស្រែ ជិត៣០ឆ្នាំមកហើយ ទើបតែនៅឆ្នាំ២០១៧នេះ ក្រុមហ៊ុនឈីលូ បានធ្វើរបង តាមបណ្តោយផ្លូវចូលក្នុងតំបន់សេដ្ឋកិច្ចឈីលូនេះ បានធ្វើឲ្យប៉ះពាល់ផ្លូវ បិទផ្លូវប្រជាពលរដ្ឋជិត២០គ្រួសារ មិនអាចចេញចូលផ្ទះបាន។ បើតាមប្រភពពីរមន្ត្រីសាលាក្រុងម្នាក់បានបញ្ជាក់ថា ចុងខែកក្កដា ឆ្នាំ២០១៣ មានក្រុមគួជេដី ដើរប្រមូលទិញដីរបស់ប្រជាពលរដ្ឋមួយចំនួនក្នុងភូមិស្វាយតឿលក់ឲ្យក្រុមហ៊ុនតាំងម៉េងលាង ធ្វើឲ្យប៉ះពាល់ផ្លូវប្រជាពលរដ្ឋធ្វើដំណើរទៅធ្វើស្រែ ទៅឃ្វាលគោក្របីដោយក្រុមហ៊ុន ជីកប្រឡាយបិទផ្លូវប្រជាពលរដ្ឋ។
ហើយក្នុងប្លង់បង្ហាញលើផែនទីដែលលោក តាំង ម៉េងលាង បានទិញនោះគឺមានភ្ជាប់ អូរធម្មជាតិមួយខ្សែ នៅចំបណ្តាលដីនេះមានទទឹង៥០ម៉ែត្របណ្តោយ១,០០០ម៉ែត្រ( ស្មើ០៥ហិកតា) និងដីប្រឡាយ ទទឹង១០ម៉ែត្របណ្តោយ១.០០០ម៉ែត្រ (ស្មើ០១ហិកតា) ផ្អែកតាមការវាស់វែងរបស់លោកមេភូមិស្វាយតឿ។ និងប៉ះពាល់ដើមត្នោតរបស់ប្រជាពលរដ្ឋជាង២០០ដើម។ ហើយនៅខែមករាឆ្នាំ២០១៤ ក៏មានទំនាស់ជាមួយប្រជាពលរដ្ឋចំនួន១៣៥គ្រួសារ រស់នៅភូមិស្វាយតឿ សង្កាត់ស្វាយតឿ ក្រុងស្វាយរៀង ទី១ -ក្រុមហ៊ុន ជីកប្រឡាយកអាចម៌ដី បិទផ្លូវប្រជាពលរដ្ឋ ទី២- ក្រុមហ៊ុនរំលោភយកដី អូរធម្មជាតិ ជាដីសាធារណៈរបស់ធ្វើជាកម្មសិទ្ធិ និងចាក់ដីលុបអូរធម្មជាតិរបស់រដ្ឋដែលប្រជាពលរដ្ឋប្រើប្រាស់អាស្រ័យផលតាំងពីដូនតារៀងមក។ ក្រោយមកអាជ្ញាធរខេត្តបានដោះស្រាយឲ្យក្រុមហ៊ុន តាំង ម៉េងលាង ជីកប្រឡាយថ្មី បង្វែរទឹកឲ្យហូទៅកន្លែងផ្សេង។
ចំណែកអូរធម្មជាតិ ៥ហិកតា ក្រុមហ៊ុនបានដាក់សំណើទៅមន្ទីរធនធានទឹក និងឧតុនិយមខេត្ត សុំលុបអូរធម្មជាតិនេះក៏ប៉ុន្តែប្រជាពលរដ្ឋជំទាស់ ក៏ប៉ុន្តែក្រោយមកមិនដឹងថា លទ្ធផលយ៉ាងណានោះទេក្រុមហ៊ុនលួចចាក់ដីលុបអូរធម្មជាតិបន្តិចម្តងៗ រហូតលុបជិត ដល់បច្ចុប្បន្ន។ ហើយចំពោះដីមួយចំនួនចាប់ពីផ្លូវជាតិលេខ១ ទៅដល់របងតំបន់សេដ្ឋកិច្ចឈីលូ គឺមានប្រជាពលរដ្ឋបានលក់ឲ្យក្រុមហ៊ុន តាំង ម៉េងលាង មែន តែលក់ដីស្រែត្រឹមភ្លឺ មិនបានលក់ភ្លឺទេគឺទុកធ្វើជាផ្លូវសម្រាប់ប្រជាពលរដ្ឋ២០គ្រួសារធ្វើដំណើរចេញចូលផ្ទះ។ ក៏ប៉ុន្តែក្រុមហ៊ុនចាក់ដីលើភ្លឺស្រែទើបអស់ផ្លូវប្រជាពលរដ្ឋ។ ទាក់ទិនករណីខាងលើនេះដែរ លោក ពេជ្រ សាវ៉ាន់ អភិបាលរងខេត្ត បានមានប្រសាសន៍ថា ក្រុមហ៊ុនគេអាងប្លង់អាងបណ្ណ័សម្គាល់សិទ្ធិកាន់កាប់ប្រើប្រាស់អចលនទ្រព្យដែលសុរិយោដីចេញឲ្យ៕
ចែករំលែកព័តមាននេះ