សារព័ត៌មាន «ដឹស្ត្រេតថែម» ផ្សាយកាលពីពេល ថ្មីៗកន្លងមកថា ក្រុងសូឡូក្នុងខេត្តជ្វាកណ្តាល និងតំបន់ជាច្រើនប្រទេសឥណ្ឌូណេស៊ីមានភាពស្ងប់ស្ងៀមរយៈពេលជាង១ម៉ោងកាលពីថ្ងៃទី៨ វិច្ឆិកា ២០១៧ ដើម្បីធ្វើជាសាក្សីនៅក្នុងពិធីរៀបអាពាហ៍ពិពាហ៍របស់កញ្ញា Kahiyang…
សារព័ត៌មាន «ដឹស្ត្រេតថែម» ផ្សាយកាលពីពេល ថ្មីៗកន្លងមកថា ក្រុងសូឡូក្នុងខេត្តជ្វាកណ្តាល និងតំបន់ជាច្រើនប្រទេសឥណ្ឌូណេស៊ីមានភាពស្ងប់ស្ងៀមរយៈពេលជាង១ម៉ោងកាលពីថ្ងៃទី៨ វិច្ឆិកា ២០១៧ ដើម្បីធ្វើជាសាក្សីនៅក្នុងពិធីរៀបអាពាហ៍ពិពាហ៍របស់កញ្ញា Kahiyang Ayu កូនស្រីរបស់លោកប្រធានាធិបតីចូហ្គោ វីដូដូ ជាមួយលោក Bobby Nasution ប្រធានក្រុមហ៊ុនអចលនទ្រព្យ ។
អ្នកដែលចូលរួមក្នុងពិធីនោះច្រើនជាង៧.០០០នាក់ក្នុងនោះមានមនុស្ស ល្បីៗក្នុងប្រទេសច្រើនកុះករចូលរួម ។ ទស្សនិកជនច្រើនលាននាក់បានទស្សនាពិធីរៀបអាពាហ៍ពិពាហ៍នោះតាមទូរទស្សន៍។
មនុស្ស ល្បីៗដែលចូលរួមក្នុងពិធីរៀបអាពាហ៍ពិពាហ៍មានដូចជាលោកអានីល គូម៉ា ណាយ៉ា ឯកអគ្គរដ្ឋទូតសិង្ហបុរី ប្រចាំប្រទេសឥណ្ឌូណេសស៊ី លោកស៊ូស៊ីឡូ យុតធោយ៉ូណូ និងលោកស្រីមេហ្គាវ៉ាទី ស៊ូកាណូពូទ្រី អតីតប្រធានាធិបតីឥណ្ឌូណេសុី ជាដើម ។
កញ្ញា Kahiyang និងលោក Bobby អាយុ២៦ឆ្នាំ បានរៀបការនៅប្រទេសឥណ្ឌូណេស៊ី ខណៈពេលរបាយការណ៍បញ្ជាក់ថាមានប៉ូលិសនិងទាហានប្រហែល៥.៥០០នាក់ ការពារសុវត្ថិភាពនៅបរិវេណរៀបពិធីនោះក្នុងក្រុងសូឡូ ៕
ចែករំលែកព័តមាននេះ