ខេត្តឧត្តរមានជ័យ ៖ លំនៅឋានគ្រូខ្មែរមើលជម្ងឺទូទៅមួយកន្លែងដែលមានទំហំ៨ម៉ែត្រគុណនឹង៩ម៉ែត្រសាងសង់អំពីឈើខាងក្រោម ដំបូលប្រក់ក្បឿង អុជធូកទៀនមិនប្រុងប្រយ័ត្នត្រូវបានអគ្គីភ័យលេបត្របាក់ហ្មត់ បានបង្កការភ្ញាក់ផ្អើលកាលពីវេលាម៉ោង៧នឹង៣០នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៧ ។…
ខេត្តឧត្តរមានជ័យ ៖ លំនៅឋានគ្រូខ្មែរមើលជម្ងឺទូទៅមួយកន្លែងដែលមានទំហំ៨ម៉ែត្រគុណនឹង៩ម៉ែត្រសាងសង់អំពីឈើខាងក្រោម ដំបូលប្រក់ក្បឿង អុជធូកទៀនមិនប្រុងប្រយ័ត្នត្រូវបានអគ្គីភ័យលេបត្របាក់ហ្មត់ បានបង្កការភ្ញាក់ផ្អើលកាលពីវេលាម៉ោង៧នឹង៣០នាទីព្រឹក ថ្ងៃទី១៣ ខែវិច្ឆិកា ឆ្នាំ២០១៧ ។ ហេតុការណ៍នេះបានកើតឡើងនៅក្នុងភូមិជើងទៀន ឃុំជើងទៀន ស្រុកចុងកាល់ ខេត្តឧត្តរមានជ័យ ។
យោងតាមសម្តីប្រជាពលរដ្ឋរស់នៅជិតខាងបានឱ្យដឹងថា មុនពេលកើតហេតុគេបានឃើញមនុស្សជាច្រើនអ្នកបាននាំគ្នាមករកមើលជម្ងឺជារៀងរាល់ថ្ងៃក្រោយមកអ្នកជម្ងឺទាំងនេះបានវិលត្រឡប់ទៅផ្ទះវិញ ហើយលោកគ្រូបានចុះពីលើផ្ទះមកខាងក្រោមបានមួយសន្ទុះក្រោយមកស្រាប់តែឃើញមានជាអណ្តាតភ្លើងឆាបឆេះយ៉ាងសន្ធោសន្ធៅឡើងអ្នកភូមិជិតខាងបាននាំគ្នាគ្នីរត់ទៅជួយពន្លត់ផងដែរ ។
ប៉ូលិសស្រុកចុងកាល់បានឱ្យដឹងថា ក្រោយពីបានទទួលនូវព័ត៌មានរួចមកកំលាំងសមត្ថកិច្ចបាននាំយករថយន្តពន្លត់អគ្គីភ័យស្រុកចុងកាល់ចំនួន១គ្រឿង និងរថយន្តពន្លត់អគ្គីភ័យរបស់ស្នងការដ្ឋាននគបានខេត្តឧត្តរមានជ័យចំនួន២គ្រឿងជួយបាញ់ពន្លត់ តែទោះជាបែបណានោះលំនៅឋានផ្នែកខាងលើត្រូវបានឆាបឆេះហ្មត់ រួមទាំងទ្រព្យសម្បត្តិដូចជាអង្ក១ការុង គ្រេ តុ ទូ កៅអី លុយចំនួន៥៤.០០០បាត លើពីនោះខោអាវ ភួយ មុងត្រូវឆេះអស់ផងដែរ ៕
ចែករំលែកព័តមាននេះ