ខេត្តឧត្តរមានជ័យ ៖ ប៉ូលិសបានធ្វើការឃាត់ខ្លួនបុរសម្នាក់ ខណៈបុរសរូបនេះសុំជំពាក់ថ្លៃចង្កៀងគោយន្តមួយមិនបាន ក៏ទាញយកគ្រាប់បែកមកគំរាមគេ ហេតុការណ៍បង្កការភ្ញាក់ផ្អើលកាលពីវេលាម៉ោង៤ល្ងាច ថ្ងៃទី១១ ខែវិច្ឆិកា ឆ្នាំ២០១៧ ស្ថិតនៅក្នុងភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។
ជនសង្ស័យឈ្មោះ មាស សំអាង ភេទប្រុស អាយុ៥៣ឆ្នាំ រស់នៅភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ យកគ្រាប់បែកដៃគំរាមលើឈ្មោះណុប ប៊ុនថា ភេទប្រុស អាយុ៣៨ឆ្នាំជាអ្នកលក់គ្រឿងបន្លាស់ នៅភូមិត្រាំប៉ោង ឃុំព្រះប្រឡាយ ស្រុកត្រពាំងប្រាសាទ។
បើតាមប៉ូលិសស្រុកត្រពាំងប្រាសាទបានឱ្យដឹងថា ជនសង្ស័យរូបនេះប៉ុនប៉ងធ្វើសកម្មភាពទាញគ្រាប់បែកដៃដែលផលិតនៅប្រទេសចិន មកគំរាមគេ ហើយបំរុងបោក ប៉ុន្តែត្រូវបានសមត្ថកិច្ចធ្វើការបង្ក្រាបទាន់ពេល ធ្វើឱ្យជននេះរត់គេចខ្លួន តែសមត្ថកិច្ចបានដេញតាមចាប់ឃាត់ខ្លួននាំយកមកអធិការស្រុកធ្វើការសាកសួរ រួចក៏កសាងសំណុំរឿងបញ្ជូនទៅស្នងការដ្ឋាននគបាលខេត្ត ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ