ខេត្តពោធិ៍សាត់ ៖ សមត្ថកិច្ចនគរបាលស្រុកវាលវែងបានធ្វើការឃាត់ខ្លួនមុខសញ្ញាចំនួន០២នាក់ដែលម្នាក់ជាអ្នកលក់ និងម្នាក់ទៀតជាអ្នកទិញ រួមជាមួយវត្ថុតាងថ្នាំញៀន០៨កញ្ចប់ និងកាំភ្លើងកែច្នៃចំនួន០២ដើមផងដែរ។ ករណីនេះបានធ្វើឡើងកាលពីថ្ងៃទី០៩ ខែវិច្ឆិកា ឆ្នាំ២០១៧ ខណពេលកម្លាំងសមត្ថកិច្ចចុះល្បាតប្រទះឃើញ កំពុងធ្វើសកម្មភាពជាក់ស្ដែងនៅភូមិដីក្រហមឃុំអន្លង់រាប ស្រុកវាលវែង។
សមត្ថកិច្ចមូលដ្ឋានឲ្យដឹងថា ជនសង្ស័យដែលឃាត់ខ្លួននេះម្នាក់ឈ្មោះ គុណ សុខគា ភេទប្រុស អាយុ៣៧ឆ្នាំ ជាអ្នកលក់ថ្នាំញៀន និងម្នាក់ទៀតឈ្មោះ សេង តុលា ភេទប្រុស អាយុ១៩ឆ្នាំ ជាអ្នកទិញថ្នាំញៀន ទាំងពីរនាក់រស់នៅភូមិឃុំកើតហេតុខាងលើ។ វត្ថុតាងដែលដកហូតបានមានម្ស៉ៅក្រាមសថ្លាដែលជាសារធាតុញៀនចំនួន០៨កញ្ចប់តូចទម្ងន់១,៥៩ក្រាមលុយ១១៥.០០០រៀល អាវុធកែច្នៃចំនួន០២ដើម(ប្រភេទឆ្នុកមួយដើម,ប្រភេទខ្យល់មួយដើម) និងគ្រាប់២៦គ្រាប់។ ជនសង្ស័យទាំងពីរនាក់ និងវត្ថុតាងសមត្ថកិច្ចបានកសាងសំណុំរឿងបញ្ជូនទៅសាលាដំបូងដើម្បីចាត់ការបន្តតាមនីតិវិធី៕
ចែករំលែកព័តមាននេះ