មានដឹងទេថា អ្នកអាចស្កេនកូដ QR បានដោយងាយ ហើយមិនចាំបាច់ទាញកម្មវិធីទូរស័ព្ទណាមួយទេ ។ អ្នកគ្រាន់តែត្រូវការកាមេរ៉ាទូរស័ព្ទប៉ុណ្ណោះ ។ បញ្ហាមួយក្នុងការប្រើប្រាស់កូដទាំងនេះ គឺយើងពិបាកស្កេនវាដោយប្រើប្រាស់ទូរស័ព្ទដៃ…
មានដឹងទេថា អ្នកអាចស្កេនកូដ QR បានដោយងាយ ហើយមិនចាំបាច់ទាញកម្មវិធីទូរស័ព្ទណាមួយទេ ។ អ្នកគ្រាន់តែត្រូវការកាមេរ៉ាទូរស័ព្ទប៉ុណ្ណោះ ។
បញ្ហាមួយក្នុងការប្រើប្រាស់កូដទាំងនេះ គឺយើងពិបាកស្កេនវាដោយប្រើប្រាស់ទូរស័ព្ទដៃ ព្រោះយើងត្រូវទាញយកកម្មវិធីទូរស័ព្ទមួយជាមុនសិន ។
យ៉ាងណាក្តី កូដទាំងនេះមានព័ត៌មានផ្សេងៗ ដូចជា គេហទំព័រ អ៊ីម៉ែល លេខទូរស័ព្ទ សំបុត្រ ឬគូប៉ុងជាដើម ។ វាជាផ្លូវកាត់មួយសម្រាប់អ្នកប្រើប្រាស់ចង់រកព័ត៌មានទាំងនេះ។
ប៉ុន្តែការប្រើប្រាស់វាមិនងាយស្រួលទេ ដែលធ្វើឲ្យអ្នកប្រើប្រាស់ភាគច្រើនមិនប្រើប្រាស់កូដនេះទាំងស្រុងតែម្តង ។ ប៉ុន្តែបច្ចុប្បន្ន យើងអាចស្កេនកូដទាំងនេះបានដោយងាយស្រួល គ្រាន់តែធ្វើតាមវិធីខាងក្រោម ។
ដំបូង ត្រូវមានប្រព័ន្ធ iOS 11 ដំណើរការជាមុនសិន រួចចុចចូលក្នុងកម្មវិធីកាមេរ៉ា និងតម្រង់វាទៅកាន់កូដនេះ ។ អ្នកត្រូវប្រាកដថា កូដនេះបង្ហាញយ៉ាងច្បាស់លើ iPhone របស់អ្នក។ នៅពេលទូរស័ព្ទស្គាល់កូដនេះហើយ វានឹងស្នើឲ្យអ្នកចូលទៅកាន់គេហទំព័រណាមួយ។ បើមិនឃើញទេ គឺអាចសាកល្បងពង្រីករូបភាព ឬដាក់កូដនេះឲ្យជិតកាមេរ៉ា។
លើសពីនេះ អ្នកថែមទាំងអាចស្កេនកូដរបស់អ្នកក្នុងកម្មវិធី Messenger របស់ Facebook ថែមទៀត ។
អ្នកអាចនឹងចាប់អារម្មណ៍ថា នៅជុំវិញរូបភាព Profile របស់អ្នកក្នុងកម្មវិធីនេះមានចំណុចតូចៗ ។ វាជាកូដ QR របស់អ្នកដែលមានព័ត៌មានផ្ទាល់ខ្លួន ។
ដើម្បីបន្ថែមចំនួន Contact ក្នុង Messenger គ្រាន់តែចុចចូលក្នុងកម្មវិធីនេះ រួចចុចលើ People ហើយចុច Scan Code ។ បន្ទាប់មក តម្រង់កាមេរ៉ាទៅរកកូដនោះ គឺជាការស្រេច ៕
ចែករំលែកព័តមាននេះ