ខេត្តឧត្តរមានជ័យ ៖ មន្ត្រីបច្ចេកទេសនៃក្រសួងធនធានទឹក និងឧតុនិយមតំណាងក្រសួងសេដ្ឋកិច្ច និងហិរញ្ញវត្ថុ បានចុះពិនិត្យប្រព័ន្ធធារាសាស្ត្រ ចំនួន៧ទីតាំងក្នុងខេត្តឧត្តរមានជ័យ ដើម្បីធ្វើការជួសជុល និងកែលំអរឡើងដែលអាចស្តុកទឹកច្រើន ក្នុងការធានាសម្រាប់ប្រើប្រាស់នៅវដូវប្រាំង ។
លោក ញ៉ឺន គួន ប្រធានមន្ទីធនធានទឹក និងឧតុនិយមខេត្តបានឲ្យដឹងនៅថ្ងៃទី០៨ ខែវិច្ឆិការ ឆ្នាំ២០១៧ថា ប្រព័ន្ធធារាសាស្ត្រសម្រាប់ថែទាំជាប្រចាំនៅក្នុងខេត្តឧត្តរមានជ័យ មានចំនួន៧ទីតាំង ហើយក្នុងនោះមានទំនប់ប្រព័ន្ធធារាសាស្ត្រមួយ បានរងការខូចខាតដោយសារទឹកជំនន់បំផ្លាញនារដូវវស្សាកន្លងមក ។ លោកបន្តថា ក្រោយពីរដូវវស្សាបានបញ្ចប់ ក្រុមការងារជំនាញរបស់ក្រសួងធនធានទឹក និងឧតុនិយម រួមនឹងក្រុមការងារប្រចាំការ កំពុងធ្វើការជួសជុលប្រព័ន្ធធារាសាស្ត្រនៅក្នុងខេត្តចំនួនបានរួចរាល់ជាបណ្តើរៗ ។
ដែលក្នុងនោះទី១- ប្រព័ន្ធធារាសាស្ត្របេង ស្ថិតនៅឃុំបេង ស្រុកបន្ទាយអំពិល ទី២- ប្រព័ន្ធធារាសាស្ត្រ រហាលសឹង្ហ ស្ថិតនៅឃុំគោកមន ស្រុកបន្ទាយអំពិល ទី៣- ប្រព័ន្ធធារាសាស្ត្រកណ្ដែក ស្ថិតនៅសង្កាត់សំរោង ក្រុងសំរោង ទី៤- ប្រព័ន្ធធារាសាស្ត្រ តាអែន ស្ថិតនៅឃុំពង្រ ស្រុកចុងកាល់ ទី៥- ប្រព័ន្ធធារាសាស្ត្រ ចុងកាល់ ស្ថិតនៅឃុំចុងកាល់ ស្រុកចុងកាល់ ទី៦- ប្រព័ន្ធធារាសាស្ត្រ ០៥ ស្ថិតនៅឃុំអូរស្វាយ ស្រុកត្រពាំងប្រាសាទ និងទី៧- ប្រព័ន្ធធារាសាស្ត្រទំនប់ដាច់ ស្ថិតនៅឃុំទំនប់ដាច់ ស្រុកត្រពាំងប្រាសាទ ៕
ចែករំលែកព័តមាននេះ