ខេត្តក្រចេះ ៖ ពលរដ្ឋជិត១០០គ្រួសាររស់នៅភូមិកែងប្រសាទ ឃុំសំបូរ ផ្តឹតមេដៃប្តឹងជំទាស់ ទៅនឹងចំណាត់ការរបស់ក្រសួងកសិកម្មដែលបានអនុញ្ញាតិឲ្យម្ចាស់ទីតាំងសត្វឃាតមានទីតាំងនៅ កណ្តាលភូមិមួយកន្លែងឈ្មោះ រស់ ប៉េងលីម បន្តអាជីវកម្មពិឃាតសត្វបានដដែល…
ខេត្តក្រចេះ ៖ ពលរដ្ឋជិត១០០គ្រួសាររស់នៅភូមិកែងប្រសាទ ឃុំសំបូរ ផ្តឹតមេដៃប្តឹងជំទាស់ ទៅនឹងចំណាត់ការរបស់ក្រសួងកសិកម្មដែលបានអនុញ្ញាតិឲ្យម្ចាស់ទីតាំងសត្វឃាតមានទីតាំងនៅ កណ្តាលភូមិមួយកន្លែងឈ្មោះ រស់ ប៉េងលីម បន្តអាជីវកម្មពិឃាតសត្វបានដដែល ខណៈដែល ពួកគាត់បានលើកឡើងថា ទីតាំងពិឃាតសត្វនេះកំពុងតែបង្កការប៉ះពាល់ដល់បរិស្ថានក្នុងសហគម ពិសេសរំខានការរស់នៅរបស់ពួកគាត់យ៉ាងធ្ងន់ធ្ងរទៀតផង ។
ការសម្រេចធ្វើពាក្យបណ្តឹងដោយមានស្នាមមេដៃជំទាស់ និងចំណាត់ការរបស់អគ្គនាយក ដ្ឋានសុខភាពសត្វ និងផលិតកម្មសត្វនៃក្រសួងកសិកម្មពីពលរដ្ឋជាង៦០គ្រួសារដែលដាក់ប្តឹងចូល មកសាលាខេត្ត មន្ទីរកសិកម្មខេត្ត ក៏ដូចជាសាលាស្រុកសំបូរ ដែលបានធ្វើឡើងនៅកាលពីដើម ខែវិចិ្ឆកានេះគឺបានធ្វើឡើងក្នុងគោលបំណងស្នើរឲ្យអាជ្ញាធរបញ្ឈប់ទីតាំងសត្វឃាតមួយកន្លែង យីហោ រស់ ប៉េងលីម ដែលមានទីតាំងនៅចំកណ្តាលភូមិ ។ ហើយនេះក៏ជាបណ្តឹងលើកទី២ហើយ របស់ពួកគាត់ ដែលបានប្តឹងមកឲ្យអាជ្ញាធរជួយអន្តរាគមន៍ទប់ស្កាត់លើ ទីតាំងពិឃាតសត្វមួយ កន្លែងនេះថា បានបង្កឲ្យមានបរិស្ថានក្នុងសហគមន៍អួរអាប់ ដូចជាមានក្លិនស្អុយ សម្លេងថ្លង់ធ្វើ ឲ្យរំខានដល់ការរស់នៅ ពិសេសប៉ះពាល់សុខភាពរបស់អ្នកភូមិដោយសារជម្ងឺ ឆ្លង ដល់អ្នកភូមិ ក៏ដូចជាជាកុមារ និងការបង្ហូរកាកសំណល់ឬទឹកស្អុយកខ្វក់ចូលទៅក្នុងអូរនៅកណ្តាលភូមិជាដើម។
ពលរដ្ឋបានលើកឡើងថា ដោយសារទីតាំងសត្វឃាតមួយនេះបានបង្កផលប៉ះពាល់យ៉ាង ច្រើនដល់សុខទុក្ខការរស់នៅរបស់ប្រជាពលរដ្មានរយៈពេលរាប់សិបឆ្នាំទៅហើយនោះ កាលពីឆ្នាំ ២០១៦ ពួកគាត់បានប្តឹងមកអាជ្ញាធរឲ្យជួយអន្តរាគម ហើយអាជ្ញាធរបានអះអាងថា និងផ្អាកអាជីវ កម្មនេះ ។ តែនៅឆ្នាំ២០១៨នេះ ក្រសួងកសិកម្មបានសម្រេចឲ្យម្ចាស់អាជីវកម្មពិឃាតសត្វឈ្មោះ រស់ ប៉េងលីម បានបន្តសុពលភាពអាជីវកម្មដដែល ទើបធ្វើឲ្យពួកគាត់ដែលរស់នៅក្នុងភូមិនិងក៏ ជាអ្នកប្រឈមផងដែនោះ បានសម្រេចធ្វើពាក្យបណ្តឹងជាមួយនិងស្នាមមេដៃមកអាជ្ញាធរស្រុក ខេត្ត ដើម្បីជំទាស់នឹងចំណាត់ការរបស់ក្រសួងកសិកម្ម ៕
ចែករំលែកព័តមាននេះ