ទីក្រុងញូវយ៉ក ៖ អំណាចមួយរបស់ប្រធានាធិបតីអាមេរិក គឺការតែងតាំងសមាជិក និងភ្នាក់ងារដឹកនាំជាច្រើនរូបឲ្យទទួលខុសត្រូវអនុវត្តច្បាប់ និងបទបញ្ជាផ្សេងៗ ជាពិសេស ការគ្រប់គ្រងសេដ្ឋកិច្ចទាំងមូលរបស់ប្រទេស។ ប្រហែលជាគ្មានស្ថាប័នណាសំខាន់ជាងនេះទេ បើធៀបនឹងធនាគារកណ្តាល ។
ក្នុងការអនុវត្តអំណាចនេះ លោក Donald Trump បានបំបែកគំរូការដឹកនាំពីមុន ដែលលោកប្រធានាធិបតីរូបនេះតែងតាំងឡើងវិញ ដោយឈរលើមូលដ្ឋានមិនប្រកាន់បក្សពួក។ ប្រហែលជាគ្មានប្រធានធនាគារកណ្តាលណាធ្វើការងារបានល្អជាងលោកស្រី Janet Yellen ទេ ពេលស្ថិតក្នុងស្ថានភាពដ៏លំបាក ។ អ្នកកាន់តំណែង២រូបមុនបានធ្វើឱ្យខូចកេរ្តិ៍ឈ្មោះធនាគារកណ្តាលយ៉ាងខ្លាំង ប៉ុន្តែលោកស្រី Yellen បានស្ដារកេរ្តិ៍ឈ្មោះធនាគារនេះឡើងវិញ ។
គោលគំនិតដ៏ស្ងប់ស្ងាត់ និងមានតុល្យភាពរបស់លោកស្រីបានលើកកម្ពស់ការយល់ស្របរួមគ្នារវាងក្រុមប្រឹក្សាភិបាលធនាគារកណ្តាល។ លោកស្រីបានជួយត្រួសត្រាយសេដ្ឋកិច្ចប្រទេសនេះ តាមរយៈការស្ទុះងើបឡើងវិញយឺតៗក្នុងរយៈពេលមួយ ។
ក្រុមសាធារណរដ្ឋនិយមគាំទ្រការកាត់បន្ថយពន្ធដ៏ច្រើនលើសាជីវកម្ម ដែលនឹងត្រូវបន្ថែមទឹកប្រាក់ជាង១ទ្រីលានដុល្លារៅលើឱនភាពសេដ្ឋកិច្ចនាទសវត្សរ៍ខាងមុខ ។ ដើម្បីភាពយុត្តិធម៌ លោក Trump បានជ្រើសរើសបេក្ខជនកម្រិតកណ្តាលមួយរូប ខណៈមនុស្សជាច្រើននៅក្នុងគណបក្សជំរុញឲ្យលោកជ្រើសរើសបុគ្គលជ្រុលនិយម ។ លោកជឿថា ជនជ្រុលនិយមនឹងបង្កើនអត្រាការប្រាក់ ដែលជារឿងដ៏អាក្រក់បំផុតរបស់ក្រុមហ៊ុនអភិវឌ្ឍន៍អចលនទ្រព្យ ។
លោក Trump បានសម្រេចចិត្តតាមវិធីមួយទៀត គឺជ្រើសរើសអ្នកមិនមែនជាសេដ្ឋកិច្ចវិទូ ។ ធនាគារកណ្តាលនឹងប្រឈមបញ្ហាដ៏ធំក្នុងរយៈពេល៥ឆ្នាំខាងមុខ ព្រោះថា វានឹងកែប្រែគោលនយោបាយទៅជាធម្មតា ។ អត្រាការប្រាក់ខ្ពស់អាចបង្កភាពចលាចលក្នុងទីផ្សារ ហើយមនុស្សជាច្រើនរំពឹងថា សេដ្ឋកិច្ចនឹងធ្លាក់ចុះខ្លាំងក្នុងរយៈពេល៥ឆ្នាំខាងមុខ ។
អត្រាការប្រាក់ធនាគារកណ្តាលនឹងធ្លាក់ ចុះ ហើយបំណុលកើនឡើងច្រើន បើលោក Trump កាត់បន្ថយពន្ធនោះ នឹងបង្កផលលំបាក សូម្បីតែអ្នកជំនាញទទួលបានការបណ្តុះបណ្តាលក្តី ។
សំខាន់ជាងនេះ មានកិច្ចខិតខំប្រឹងប្រែងរបស់គណបក្សទាំង២ ដើម្បីលុបបំបាត់គោលនយោបាយរូបិយវត្ថុ ។ ធនាគារកណ្តាល តាមរយៈគ្រប់គ្រងការផ្គត់ផ្គង់សាច់ប្រាក់មានអំណាចសេដ្ឋកិច្ចយ៉ាងខ្លាំង ហើយអំណាចនេះអាចត្រូវគេរំលោភបំពាន ក្នុងគោលបំណងនយោបាយ ដើម្បីបង្កើតការងារបន្ថែមក្នុងរយៈពេលខ្លី ។ កង្វះទំនុកចិត្តលើធនាគារកណ្តាល ធ្វើឱ្យដំណើរការសេដ្ឋកិច្ចរយៈពេលវែងចុះខ្សោយ ដែលបង្កឲ្យមានការភ័យខ្លាចចំពោះ អតិផរណា។
ធនាគារកណ្តាលបានប្រឈមនឹងការបរាជ័យនៃការអនុវត្តច្បាប់របស់ Wall Street ។ នេះជាអ្វីដែលបានកើតឡើងពេលលោក Alan Greenspan និងលោក Ben Bernanke នៅជាប្រធានធនាគារកណ្តាល ។
ទោះជាយ៉ាងណា រដ្ឋបាលលោក Trump ហាក់ភ្លេចនូវអ្វីដែលបានកើតឡើងជាង១ទសវត្សរ៍កន្លងមក ។ តើធ្វើដូចម្តេចដើម្បីពន្យល់ពីកិច្ចប្រឹងប្រែងលុបចោលកំណែទម្រង់ច្បាប់ Dodd-Frank ឆ្នាំ២០១០ ដែលតាក់តែងឡើងដើម្បីទប់ស្កាត់ការកើតឡើងវិញ? កិច្ចព្រមព្រៀង Dodd-Frank មិនបានអនុវត្តច្រើនទេ ។
ការទទួលយកហានិភ័យហួសប្រមាណ និងឥរិយាបថប្រថុយប្រថាននៅតែជាបញ្ហាពិតប្រាកដ ។ ករណីមួយក្នុងចំណោមករណីវិវាទថ្មីៗនេះ អ្នកធ្វើការនៅធនាគារ Wells Fargo បានបើកគណនីជំនួសអតិថិជន ដោយមិនឲ្យពួកគេដឹង ដូច្នេះ អ្នកធ្វើការទាំងនោះអាចប្រមូលកម្រៃបន្ថែម ។ ប៉ុន្តែនយោបាយធនាគារកណ្តាល គ្រាន់តែជាផ្នែកមួយផ្សេងទៀតនៃការប្រយុទ្ធរបស់លោក Trump ។ លោក Trump តែងធ្វើឲ្យបែកបាក់សង្គម និងបក្សកាន់តែជ្រៅ ។
អាមេរិកបានវាយប្រហារជារឿយៗលើ ពួកប្រឆាំងខ្លួន និងហ្វាស៊ីសនិយម ។ បច្ចុប្បន្ន ប្រធានាធិបតីអាមេរិក ជាមនុស្សមិនជឿនលឿន ជាអ្នកប្រកាន់ពូជសាសន៍ ហើយយកគោលនយោបាយសិទ្ធិមនុស្សជាខ្នង បង្អែក។
មនុស្សម្នាក់អាចនឹងយល់ស្រប ឬមិនយល់ស្របលើសំណើទាក់ទងនឹងពន្ធដាររបស់គណបក្សសាធារណរដ្ឋនិយម ។ វាជាកិច្ចប្រឹងប្រែងកែទម្រង់ការថែទាំសុខភាព និងប្តេជ្ញាចិត្តលុបបំបាត់គោលនយោបាយហិរញ្ញវត្ថុ ៕
ដកស្រង់ពី Project-syndicate
ចែករំលែកព័តមាននេះ