– នឹកហើយនឹកទៀតពេលឃ្លាតឆ្ងាយ នឹកស្រុកនឹកម្ដាយក្រុមគ្រួសារ
នឹកផ្លូវធ្លាប់ដើរទៅសាលា នឹកស្រែចំការច្បារដំណាំ ។
– នឹកហត្ថាម៉ែសែនកក់ក្ដៅ នឹកដល់ញាតិផៅជាប្រចាំ
នឹកប្រហុកកប់ម៉ែចិញ្ជ្រាំ នឹកដល់ស្វាយត្រាំឆ្ងាញ់ពិសារ ។
– នឹកម្អមតាមស្រែដុះហែរហូរ នឹកផ្សិតកញ្ជូកញ្ជាក់ស្លា
នឹកកញ្ជល់ភ្នំស្លាបច្រវា នឹកផ្អកត្រីប្រានិងបាយក្ដាំង ។
– នឹកដល់ខួរក្ដាមញ៉ាមជាប់មាត់ នឹកត្រីអព្ជាត់ម្ជូរក្រសាំង
នឹកក្ដឹបអំពិលនិងត្រីអាំង នឹកអណ្ដែងងាំងនិងស្វាយខ្ចី ។
– នឹកត្រួយអន្លក់និងទឹកគ្រឿង ផ្កាស្នោរពណ៍លឿងបេះថ្មីៗ
កំបោ្លកកញ្ឆែតឆ្អែតតិចអី ពួយម៉ាសេរីឆីតាមចិត្ដ ។
– នឹកប្រហុកឆៅក្រោយផ្ទះតា ផ្ទាប់ផ្លែសេដានិងផ្លែខ្វិត
នឹកទឺកត្នោតផ្អែមត្រជាក់ពិត នឹកពេលមូលមិត្ដតាក់តែងកាព្យ ។
– នឹកពពាយជ្រុងផ្អកត្រីប្រៃ នឹកប្រវាស់ដៃដកសំណាប
នឹកពេលស្រូវទុំស្រែកដេញចាប នឹកជាដ៏រាបនឹក“ស្រែខ្មុក” ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ