ខេត្តពោធិ៍សាត់ ៖ កាលពីវេលាម៉ោង១១យប់ ថ្ងៃទី១ ខែវិច្ឆិកា ឆ្នាំ២០១៧កន្លងមកនេះ កម្លាំងមន្ត្រីជំនាញរបស់អធិការដ្ឋាននគរបាលក្រុងពោធិ៍សាត់ និងកម្លាំងប៉ុស្តិ៍រដ្ឋបាលព្រៃញី បានចុះល្បាតក្នុងភូមិសាស្ត្ររបស់ខ្លួនដើម្បីភូមិឃុំមានសុវត្ថិភាពក៏ប្រទះឃើញមនុស្សមួយក្រុមមានគ្នា៤នាក់កំពុងសម្ងំជក់ថ្នាំញៀនជាក់ស្ដែងនៅក្នុងបន្ទប់ទឹកមួយកន្លែងក្នុងបរិវេណសហគមន៍បញ្ចុះសព(ម៉ុងចិន) ស្ថិតនៅភូមិស្រះស្រង់ សង្កាត់ព្រៃញី ក្រុងពោធិ៍សាត់ ក៏ធ្វើការឃាត់ខ្លួនតែម្ដង ។
ការឃាត់ខ្លួននេះឆែកឆេររកពុំឃើញមានថ្នាំញៀនទេមានតែឧបករណ៍សម្រាប់ជក់ប៉ុណ្ណោះ ហើយជាមួយគ្នានេះសមត្ថកិច្ចក៏បានដកហូតម៉ូតូចំនួន៣គ្រឿងដែលពួកគេជិះធ្វើសកម្មភាពផងដែរ។ ជនសង្ស័យទាំង៤នាក់ ស្ថិតក្នុងការសួរនាំនៅអធិការដ្ឋាននគរ បាលក្រុងពោធិ៍សាត់ ដើម្បីបំពេញសំណុំបែបបទបញ្ជូនទៅការិយាល័យជំនាញគ្រឿង ញៀននៃស្នងការដ្ឋាននគរបាលខេត្តពោធិ៍សាត់ចាត់ការបន្ត ។
នៅកន្លែងម៉ុងចិនដែលឃាត់ខ្លួនមុខសញ្ញាជនសង្ស័យទាំង៤នាក់នោះគេពិនិត្យឃើញមានឧបករណ៍ដែលបម្រើឲ្យការជក់ថ្នាំញៀនជាច្រើននៅរាយប៉ាយទីនោះទំនងជាពួកគេនាំគ្នាទៅជក់រាល់ថ្ងៃដែលសមត្ថកិច្ចពុំបានដឹងពីមុនមក ៕
ចែករំលែកព័តមាននេះ