រាជធានីភ្នំពេញ ៖ នារីវ័យក្មេងស្រស់ស្អាត់ម្នាក់ត្រូវមិតភក្តិបបួលទៅផឹកស៊ីបែរជាអ្នកដែលថា ចេញលុយបានគេចខ្លួនបាត់នៅតែមិត្តភក្តិដែលអត់មានលុយត្រូវរូបនាងជាអ្នកចេញលុយថ្លៃផឹកស៊ី តែលុយមិនគ្រប់ បានយកម៉ូតូយកទៅបញ្ចាំ បន្ទាប់មកត្រូវមិត្ត២នាក់ទៀតបានលួចកាបូប និងក្រដាសបញ្ចាំម៉ូតូយកទៅលោះម៉ូតូបាត់បង្កឱ្យមានការភ្ញាក់ផ្អើល កាលពីវេលាម៉ោង៥និង៣០នាទីល្ងាច ថ្ងៃទី៥ ខែវិច្ឆិកា ឆ្នាំ២០១៧ នៅបន្ទប់ជួលជនរងគ្រោះ ភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ ។
នារីរងគ្រោះឈ្មោះ ប.ស.ន អាយុ១៧ឆ្នាំ មុខរបរនារីបំរើខារ៉ាអូខេ ផ្លូវជាតិលេខ៣ ជិតរង្វង់មូលចោមចៅ មានស្រុកកំណើតនៅភូមិស្តៅកន្លែង ឃុំដីឥដ្ឋ ស្រុកគៀនស្វាយ ខេត្តកណ្តាល សព្វថ្ងៃស្នាក់នៅភូមិព្រៃជីសាក់ សង្កាត់ចោមចៅ៣ ខណ្ឌពោធិ៍សែនជ័យ ។ ចំណែកជនសង្ស័យមាន២នាក់ទី១-ឈ្មោះ អាតូច ភេទប្រុស អាយុ២៥ឆ្នាំ និងទី២-ឈ្មោះ អាពៅ ទាំ២នាក់ត្រូវជាពូនឹងក្មួយនឹងគ្នា ។ សម្ភារបាត់បង់រួមមាន ម៉ូតូម៉ាក់ធូដេ ពណ៌ផ្កាឈូកមួយគ្រឿង ដែលមិនទាន់មានស្លាក់លេខ ទូរស័ព្ទម៉ាក់អាយហ្វូន5sមួយគ្រឿង កាបូបស្ពាយ សំបុត្រទិញលក់និងក្រដាស់បញ្ចាំម៉ូតូ សំបុត្របញ្ជាក់ទីលំនៅ និងសៀវភៅស្នាក់នៅ ។
តាមប្រភព័ត៌មានបាននិយាយថា នៅមុនពេលកើតហេតុរូបនាងត្រូវមិត្តភក្តិឈ្មោះ តូចនិងឈ្មោះ ពៅ ទាំង២នាក់ត្រូវជាពូនឹងក្មួយបានបបួលរូបនាងទៅជួបជុំមិត្តភក្តិដោយមិត្តភក្តិម្នាក់ទៀតជាអ្នកចេញថ្លៃផឹកស៊ីហើយនាង និងជនសង្ស័យទាំង២នាក់ខាងលើបាននាំគ្នាជិះម៉ូតូម៉ាកធូដេមួយគ្រឿងរបស់នាងទៅផឹកស៊ីនៅផ្លូវ២០០៤នៅម្តុំជិតហាងខារ៉ាអូខេកូនប្រសាស្រី ។ បន្ទាប់មកនាងបានទៅដល់មានមិត្តភក្តិ៣នាក់ទៀត ដែលកំពុងរង់ចាំផឹកស៊ី បន្ទាប់មកគេបានហៅស្រាបៀរមួយកេះ និងម្ហូបក្លែមមួយចំនួន បន្ទាប់មកទៀតពួកគាត់បានហូបជុំជាមួយមិត្តភក្តិដោយសប្បាយ លុះកំពុងតែហូបៗមិត្តម្នាក់ដែលថា ចេញលុយបានចេញទៅក្រៅបាត់ហើយមិត្តផ្សេងទៀតបានមកផឹកស៊ីជាបន្តបន្ទាប់សុទ្ធតែមិត្តភក្តិឈ្មោះ តូច និងឈ្មោះ ពៅ លុះកំពុងផឹកស៊ីឈ្មោះតូច បានយកកាបូបនាងស្ពាយលេងហើយនាងមិនចាប់អារម្មណ៍លុះនៅពេលគិតលុយមិត្តភក្តិដែលនៅអង្គុយហូបសុទ្ធតែមិនមានលុយ ហើយនាងក៏បានយកលុយឱ្យថ្លៃផឹកស៊ីខាងលើ បន្ទាប់មកខ្វះលុយចំនួន១៥ដុល្លារមិត្តភក្តិឈ្មោះ តូច និងឈ្មោះ ពៅ បាននិយាយថា មានតែម៉ូតូស្រីនាងសិនទេ ហើយនាងបាននាំគ្នា២នាក់ឈ្មោះ តូច ទៅបញ្ចាំម៉ូតូដើម្បីយកលុយទៅសងថ្លៃផឹកស៊ី ។
លុះនៅពេលព្រឹកមិនចាំម៉ោងថ្ងៃទី៥ ខែវិច្ឆិកា ឆ្នាំ២០១៧ ឈ្មោះ តូច ត្រូវជាពូឈ្មោះ ពៅ បានទៅហៅក្មួយនៅក្នុងបន្ទប់ថា ទៅបើកលុយនៅម្តុំវត្តអង្គតាមិញបាត់ទៅហើយ នាងមិនបានចាប់អារមណ៍បានដេកបាត់ទៅលុះនៅម៉ោងកើតហេតុខាងលើនាងបានងើបពីដេកបានរៀបចំខ្លួនទៅធ្វើការស្រាប់តែរកកាបូបមិនឃើញហើយមានការសង្ស័យក៏បានចេញទៅមើលជិតបន្ទប់ជួល ស្រាប់តែឃើញឈ្មោះ ពៅ ដែលត្រូវជាក្មួយហើយនាងបានសួររកឈ្មោះ តូច ប៉ុន្តែក្មួយបានឆ្លើយថា មិនឃើញពូនៅទេគាត់មិនដឹងនៅឯណា បន្ទាប់មកស្រាប់តែឃើញជនសង្ស័យត្រូវជាពូនៅជិតខាងក្រោយម្នាក់ដែលត្រូវជាក្មួយបានស្ពាយកាបូបនាង ហើយជិះម៉ូតូគេចខ្លួនបាត់ ។ បន្ទាប់មកទៀតនាងបានជិះម៉ូតូឌុបមកមើលម៉ូតូកន្លែងបញ្ចាំត្រូវម្ចាស់កន្លែងបញ្ចាំនិយាយថា ម៉ូតូខាងលើត្រូវបុរសម្នាក់ដែលមកជាមួយនាងលោះម៉ូតូបាត់ហើយ នាងសួរចុះឯកសារ បញ្ចាំម៉ូតូក៏ត្រូវឱ្យបុរសខាងលើអស់ដែរ ។
ជនរងគ្រោះបាននិយាយទាំងទឹកភ្នែករលីងរលោងថា ម៉ូតូគាត់ទើបនឹងទិញក្នុងតំលៃ៥២០ដុល្លារសុទ្ធតែញើសឈាមគាត់រកដោយសុច្ចរិតទោះគាត់ជាស្រីខារ៉ាអូខេក៏ដោយតែរកដោយសុច្ចរិត ដោយមិនលួចឆក់ប្លន់ពីនាក់ដទៃមកចិញ្ចឹមជីវិតដែរ ហើយនាងបានបញ្ចាក់ថា នាងជាកូនកំព្រាអត់មានម្តាយឪពុកដោយលោកទាំង២ស្លាប់តាំងពីតូច ហើយគាត់បានរស់នៅជាមួយម្តាយចិញ្ចឹមហើយជាកូនទោលទៀតផង ដោយរស់នៅជាមួយម្តាយចិញ្ចឹមតាំងពីអាយុ១០ឆ្នាំមកតែនាងមករកកាងារធ្វើបានជាង៤ខែដោយបែកពីម្តាយចិញ្ចឹម ។ ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុសិ៍្តនគរបាលចោមចៅ៣ឱ្យជួយតាមចាប់ជនសង្ស័យយកមកផ្តន្ទាទោសតាមច្បាប់ ៕
ចែករំលែកព័តមាននេះ