ស្តាយអី
បុរសបួននាក់ជជែកគ្នារឿងអ្នកណាពូកែអត់ធ្មត់ជាងគេ ។ បុរសទីមួយលើកហេតុផល ៖
– ផ្ទះ៣ជាន់របស់ខ្ញុំទើបតែក្លាយទៅជាចំណីភ្លើង តែខ្ញុំធម្មតាអត់ស្តាយអ្វីទាំងអស់ ។
បុរសទីពីរសើចញឹមៗ ៖
បុរសបួននាក់ជជែកគ្នារឿងអ្នកណាពូកែអត់ធ្មត់ជាងគេ ។ បុរសទីមួយលើកហេតុផល ៖
– ផ្ទះ៣ជាន់របស់ខ្ញុំទើបតែក្លាយទៅជាចំណីភ្លើង តែខ្ញុំធម្មតាអត់ស្តាយអ្វីទាំងអស់ ។
បុរសទីពីរសើចញឹមៗ ៖
– អ៊ីចឹងឬ ? ខ្ញុំមិនចាញ់បងឯងទេ , ម្សិលមិញលេងល្បែងចាញ់អស់៥០០.០០០ដុល្លារ ក៏ខ្ញុំគ្មានស្តាយអ្វីទាំងអស់ ។
ដល់វេនបុរសទីបីម្តង ៖
- ខ្ញុំក៏អ៊ីចឹង! ប្រពន្ធខ្ញុំជាស្រីស្អាតមួយរូបដ៏ល្បីឈ្មោះក្នុងមជ្ឈដ្ឋានបង្ហាញម៉ូដ ។ នាងនៅជាមួយខ្ញុំសុខៗ ស្រាប់តែរត់ចោលខ្ញុំទៅតាមប្រុសផ្សេងកាលពីសប្តាហ៍មុន ។ ខ្ញុំអត់ស្តាយអ្វីទាំងអស់, ចង់ទៅជាមួយអ្នកណាទៅចុះ ។ សួរថាអ្នកណាអាចធ្វើចិត្តបានដូចខ្ញុំ ?
បុរសទីបួនមិនព្រមចាញ់ ៖
– បើនិយាយពីភាពអត់ធ្មត់មិនស្តាយស្រណោះប្រហែលគ្មានអ្នកណាលើខ្ញុំទេ ។ ម្សិលមិញបន្ទាប់ពីឱ្យអង្គរក្សផ្ទាល់ខ្លួនបួននាក់ឈប់សម្រាកច្បាប់ ខ្ញុំកំពុងដើរលេងម្នាក់ឯងដោយអត់មានអ្នកការពារ ស្រាប់តែលេចពួកអាស្ទាវ៣នាក់ស្ទាក់ផ្លូវសួរ ៈ «ឯងឈ្មោះ Colla មែនទេ?» «មែន!» ។ ឮខ្ញុំឆ្លើយភ្លាម ពួកវាស្ទុះចូលវាយទាត់ធាក់ខ្ញុំ ហើយរត់ទៅបាត់ ។ ថ្មីបើឈឺខ្លួនតែខ្ញុំអត់ខឹងពួកវាទេ ព្រោះខ្ញុំមិនមែនឈ្មោះ Colla ដូចពួកវាសួរផង ។
ចែករំលែកព័តមាននេះ