វិធានការណ៍ និងបទល្មើសស្តីពីអ្នកសារព័ត៌មាន
- ក្រចេះ
ខេត្តក្រចេះ ៖ អភិបាលរងខេត្តទទួលបន្ទុកលើមន្ទីរព័ត៌មាន លោកជំទាវ ប៊ន សុភី បានព្រមានថា អ្នកកាសែតដែលធ្វើការមិនគោរពទៅតាមវិជ្ជាជីវៈ ឬក្រមសីលធម៌ គឺទៅថ្ងៃខាងមុខអាចប្រឈម…
ខេត្តក្រចេះ ៖ អភិបាលរងខេត្តទទួលបន្ទុកលើមន្ទីរព័ត៌មាន លោកជំទាវ ប៊ន សុភី បានព្រមានថា អ្នកកាសែតដែលធ្វើការមិនគោរពទៅតាមវិជ្ជាជីវៈ ឬក្រមសីលធម៌ គឺទៅថ្ងៃខាងមុខអាចប្រឈម និងចាត់វិធានការទៅលើបទល្មើសព្រហ្មទណ្ឌ។
ការមានប្រសាសន៍ដោយបានធ្វើការព្រមានដោយសង្កត់ធ្ងន់បែបនេះ ដល់ក្រុមអ្នកសារព័ត៌ មកពីស្ថាប័ន ឬអង្គភាពផ្សេងៗពីគ្នាដូចជាគេហទំព័រ ទូរទស្សន៍អនឡាញ និងប្រតិបត្តពីសំណាក់ លោកជំទាវអភិបាលរងខេត្តបានធ្វើឡើងនៅព្រឹកថ្ងៃទី៣០ ខែតុលា នៅសាលប្រជុំមន្ទីរព័ត៌មាន ខេត្តក្នុងពិធីជួបជុំអ្នកសារព័ត៌មានជិត២រយស្ថាប័ន ដើម្បីពង្រឹងក្រម សីលធម៌វិជ្ជាជីវៈ ក៏ដូចជាការរឹតបន្តឹងគុណភាពផងដែរ ។
មន្ទីរព័ត៌មានខេត្តបានឲ្យដឹងថា ខេត្តក្រចេះមានអ្នកសារព័ត៌មាន មិនតិចជាង ២រយមកពីស្ថាប័នអង្គភាពផ្សេងៗ ក្នុងនោះមាន១៤៣ស្ថាប័ន អង្គភាព បានមកចុះឈ្មោះនៅមន្ទីរ ព័ត៌មានខេត្តក្នុងឆ្នាំ២០១៧នេះ។
កាលពីពេលថ្មីៗនេះ អាជ្ញាធរស្រុកស្នួលធ្លាប់ បានឃាត់អ្នកកាសែតជាច្រើននាក់ នៅស្រុកស្នួល មកធ្វើការអប់រំណែនាំក្រោយពីពួកគាត់បាន ធ្វើសកម្មភាពប្រមូលផ្តុំដែលអាជ្ញាធរអះអាងថា ជាសកម្មភាពខុសច្បាប់ ។ អ្នកសារព័ត៌មានមួយចំនួនបានប្រព្រឹត្តទៅដោយទង្វើមិនគប្បី ប៉ះពាល់ដល់សង្គម ទើបអាជ្ញាធរខេត្តបាន ហៅពួកគាត់ដែលមានវត្តមានក្នុងបញ្ជីរបស់មន្ទីរ ព័ត៌មានឲ្យមានការជួបជុំ និងជម្រុញឲ្យពួកគាត់ធ្វើកិច្ចការងារគោរពតាមវិជ្ជាជីវៈ។
លោកជំទាវ ប៊ន សុភីបានលើកឡើងទៀតថា ការជួបជុំនេះ គឺត្រូវធ្វើឡើងជារៀងរាល់១ឆ្នាំម្តង រវាងមន្ទីរព័ត៌មានជាមួយ និងអ្នកសារព័ត៌មានទាំងអស់ដែលមានវត្តប្រចាំនៅខេត្តក្រចេះ ។ ការមកជួបជុំរវាងអាជ្ញាធរ និងអ្នកសារព័ត៌មាននេះ គឺធ្វើឡើងក្នុងគោលបំណង ធ្វើយ៉ាងណាឲ្យអ្នកសារព័ត៌ទាំងអស់នេះ ធ្វើការកិច្ចការងារគោរពតាមវិជ្ជាជីវៈ ពង្រឹងក្រមសីលធម៌វិជ្ជាជីវៈច្បាប់ស្តីពីរបបសារព័ត៌មាន ៕
ចែករំលែកព័តមាននេះ