ខេត្តត្បូងឃ្មុំ ៖ មនុស្សម្នាក់បានស្លាប់ភ្លាមៗ និង១១នាក់ទៀតបានរងរបួសធ្ងន់ស្រាលនៅក្នុងហេតុការណ៏គ្រោះថ្នាក់ចរាចរណ៏ដែលបានកើតឡើងនៅលើកំណាត់ផ្លូវជាតិលេខ៨ នៅវេលាម៉ោង៦និង៣០នាទីល្ងាចថ្ងៃទី២៦ ខែតុលា ឆ្នាំ២០១៧ ។ ត្រង់ចំណុចចន្លោះបង្គោលគីឡូម៉ែត្រក្នុងភូមិពោធិស្រុក ឃុំកោងកាង…
ខេត្តត្បូងឃ្មុំ ៖ មនុស្សម្នាក់បានស្លាប់ភ្លាមៗ និង១១នាក់ទៀតបានរងរបួសធ្ងន់ស្រាលនៅក្នុងហេតុការណ៏គ្រោះថ្នាក់ចរាចរណ៏ដែលបានកើតឡើងនៅលើកំណាត់ផ្លូវជាតិលេខ៨ នៅវេលាម៉ោង៦និង៣០នាទីល្ងាចថ្ងៃទី២៦ ខែតុលា ឆ្នាំ២០១៧ ។ ត្រង់ចំណុចចន្លោះបង្គោលគីឡូម៉ែត្រក្នុងភូមិពោធិស្រុក ឃុំកោងកាង ស្រុកពញាក្រែក រវាងរថយន្តនឹងរថយន្តនោះ ។
តាមប្រភពពីលោកឧត្តមសេនីយ៏ត្រី ឈឹម គឹមហុង ស្នងការរងនគរបាលខេត្តទទួលផែនសណ្តាប់ធ្នាប់ឲ្យដឹងថា បន្ទាប់ពីមានហេតុការណ៏គ្រោះថ្នាក់ចរាចរណ៏ដ៏រន្ធត់ខាងលើនេះកម្លាំងនគរបាលចរាចរណ៏ស្រុកពញាក្រែកបានប្រញាប់ចេញមកកាន់កន្លែងកើតហេតុជាបន្ទាន់ ដោយបានហៅរថយន្តសង្គ្រោះបន្ទាន់មកដឹកអ្នកដំណើរដែលជិះលើរថយន្តមានប្រុសស្រីចំនួន១១នាក់បានរងគ្រោះធ្ងន់ និងស្រាលដឹកមកសង្គ្រោះនៅមន្ទីរពេទ្យបង្អែកស្រុកពញាក្រែក ។ លោកឧត្តមសេនីយ៏ត្រីបន្តថា រថយន្តម៉ាកសាំងយ៉ុង ពាក់ស្លាកលេខ ភ្នំពេញ ២AM-៧៣៩៦ បើកបរដោយឈ្មោះ សៅ ទូច ភេទប្រុស អាយុ២៥ឆ្នាំ នៅភូមិអង្គរជ័យ ឃុំដំណាក់កន្តួត ស្រុកកំពង់ត្រាច ខេត្តកំពត បានស្លាប់នៅនឹងកន្លែងកើតហេតុភ្លាមៗ ដែលបានបង្កជាមួយនឹងរថយន្តម៉ាកសាំងយ៉ុងពណ៌ទឹកប្រាក់ ពាក់ស្លាកលេខ កំពង់ឆ្នាំង ២A-០៥៥៤ ដោយមិនបានស្គាល់ឈ្មោះ និងអាស័យដ្ឋាននោះទេ ដោយសារតែរងគ្រោះថ្នាក់ធ្ងន់ ។
លោកឧត្តមសេនីយ៏ត្រី ឈឹម គឹមហុង ស្នងការរងនគរបាលខេត្តបញ្ជាក់ថា ចំពោះមូលហេតុដែលបណ្តាលឲ្យមានគ្រោះថ្នាក់ចរាចរណ៏នេះត្រូវបាននគរបាលស្រុកពញាក្រែកបានរកឃើញថា រថយន្តសាំងយ៉ុង ពណ៌ស បើកបរពីភ្នំពេញមកត្បូងឃ្មុំក្នុងទិសដៅពីត្បូងមកជើងក្នុងល្បឿនលឿនដោយបានជែងរថយន្តធំ១គ្រឿងហើយបានបុករថយន្តសាំងយ៉ុងពណ៌ទឹកប្រាក់ ដែលកំពុងតែបើកបរលើផ្លូវជាតិលេខ៨ក្នុងទិសដៅច្រាសទិសគ្នា បណ្តាលឲ្យរថយន្តទាំង២គ្រឿងនេះរងការខូចខាតកំរិតធ្ងន់ ៕
ចែករំលែកព័តមាននេះ