ខេត្តរតនគិរី ៖ សេចក្តីរាយការណ៍បានឱ្យដឹងថា មានការភ្ញាក់ផ្អើលមួយយ៉ាងខ្លាំង បន្ទាប់ពីនារីក្រមុំម្នាក់ត្រូវឃាតកររំលោភ ហើយសម្លាប់យ៉ាងព្រៃផ្សៃ ដោយបានប្រទះឃើញសាកសពកាលពីវេលាម៉ោង០៧ព្រឹកថ្ងៃទី២៤ តុលា នេះ ស្ថិតនៅចំណុចក្បែររោងចម្ការមួយកន្លែង ក្នុងភូមិចាងរ៉ា ឃុំបាតាង ស្រុកលំផាត់ ខេត្តរតនគិរី ។
សេចក្តីរាយការណ៍បន្តថា សពនារីរងគ្រោះខាងលើ មានអាយុ១៨ឆ្នាំ ជាសិស្សនិងជាជនជាតិទំពួន ។ ប្រភពបន្តថា នារីរងគ្រោះរៀននិងស្នាក់នៅក្នុងសាលាដែលនាងរៀន ហើយកាលពីថ្ងៃទី២២ តុលា ត្រូវឪពុកនាងបានទូរស័ព្ទមក តែខលមិនចូលទេ ហើយឪពុកគិតថា ប្រហែលកូនស្រីជាប់រវល់រៀនហើយ ក៏មិនបានចាប់អារម្មណ៍ទៀត ។
លុះនៅថ្ងៃទី២៤ តុលានេះ ត្រូវអ្នកច្រូតសណ្តែកម្នាក់បានប្រទះឃើញម៉ូតូរបស់នារីរងគ្រោះក៏ថតរូបផ្ញើទៅឱ្យឪពុកនាងមើល ទើបដឹងថា ជាម៉ូតូរបស់កូនស្រីខ្លួនក៏នាំគ្នាមករកមើល ក៏ស្រាប់សាកសពកូនស្រីតែម្តង ។
បច្ចុប្បន្ន សមត្ថមិច្ចជំនាញនៃស្នងនគរបាលខេត្ត បានសហការជាមួយកម្លាំងជំនាញស្រុកលំផាត់ និងប៉ុស្តិ៍ផងដែរ បើកការស៊ើបអង្កេតយ៉ាងយកចិត្តទុកដាក់បំផុត ដើម្បីវែកមុខរកឃាតករនេះជាបន្ទាន់ ។
ចែករំលែកព័តមាននេះ