ខេត្តបាត់ដំបង ៖ បើតាមសេចក្តីរាយការណ៍បានឱ្យដឹងថា មុននេះបន្តិច កម្លាំងនគរបាលព្រហ្មទណ្ឌ និងស្នងការខេត្តបាត់ដំបង បានចុះបង្ក្រាបទីតាំងហ្គេមអីុិនធើរណេតមួយកន្លែង ហេតុការណ៍នេះកើតឡើងកាលពីវេលាម៉ោង២រសៀល ថ្ងៃទី២២ ខែតុលា ឆ្នាំ២០១៧ ស្ថិតក្នុងភូមិ២០ឧសភា សង្កាត់ស្វាយប៉ោង ក្រុងបាត់ដំបង ។
បើតាមសមត្ថកិច្ចបានឱ្យដឹងថា ម្ចាស់ទីតាំងហ្គេមអីុនធើរណេតឈ្មោះ ហេង ប៊ុនហាក់។
សមត្ថកិច្ចបានបន្តទៀតថា ប្រតិបត្តិការចុះបង្ក្រាបនេះដកហូតបានម៉ាស៊ីនកុំព្យូទ័រចំនួន៣៦គ្រឿង ម៉ូតូ២០គ្រឿង និងឃាត់ខ្លួនបានមនុស្សចំនួន២២នាក់ទៀត ដោយក្នុងនោះភាគច្រើនរកឃើញមានយុវជនក្រោម១៨ឆ្នាំ ។ ហើយខណៈពេលនេះទាំងមនុស្ស និងវត្ថុតាងត្រូវបានបញ្ជូនទៅស្នងការខេត្តបាត់ដំបងហើយ ។
ចែករំលែកព័តមាននេះ