«New York Post»របស់អាមេរិកផ្សាយថា លោកSean Donisអាយុ៣៧ឆ្នាំ បានថតវីដេអូឃ្លីប ខណៈពេលឃើញនាងNancyជាប្រពន្ធកំពុងរួមរ័កជាមួយចៅហ្វាយនៅផ្ទះមួយស្ថិតនៅតំបន់«Rocklan Country»ក្រុងញូវយ៉ក សហរដ្ឋអាមេរិក ។…
«New York Post»របស់អាមេរិកផ្សាយថា លោកSean Donisអាយុ៣៧ឆ្នាំ បានថតវីដេអូឃ្លីប ខណៈពេលឃើញនាងNancyជាប្រពន្ធកំពុងរួមរ័កជាមួយចៅហ្វាយនៅផ្ទះមួយស្ថិតនៅតំបន់«Rocklan Country»ក្រុងញូវយ៉ក សហរដ្ឋអាមេរិក ។
Sean Donisបញ្ជាក់ប្រាប់កាសែត«ញូវយ៉កប៉ុស្តិ៍»ថា ខ្លួនបានប្រើFind My PhoneឬIpadដើម្បីតាមដាន ។ ថ្ងៃមួយប្រពន្ធប្រាប់ថា ចេញទៅទទួលទានអាហារពេលល្ងាចជាមួយមិត្តភក្តិនៅតំបន់អេលីហ្សាប៊ែត រដ្ឋញូវចឺស៊ី ប៉ុន្តែនៅពេលឃើញសកម្មភាពនៅក្នុងIpadក៏សង្ស័យថា កំពុងទៅរកលោកAlbert Lopezជាចៅហ្វាយរបស់នាង ។ ឃើញដូច្នេះលោកតាមដានទិសដៅដែលបង្ហាញក្នុងIpadទៅដល់ផ្ទះរបស់លោកLopez ។ លោកចូលទៅក្នុងផ្ទះយ៉ាងងាយស្រួល ព្រោះមាត់ទ្វារមិនចាក់គន្លឹះ ហើយឃើញអ្នកទាំង២កំពុងរួមរ័ក ។
រឿងនេះធ្វើឱ្យជីវិតអាពាហ៍ពិពាហ៍របស់ពួកគេរកាំរកូស ហើយនាងNancyប្តឹងលែងលះលោកDonis ។
កាលពីដើមឆ្នាំកន្លងមកតុលាការពិចារណាក្តី ហើយចោទប្រកាន់បុរសជាប្តីពីបទលួចថត និងលួចចូលផ្ទះគេដោយគ្មានការអនុញ្ញាត ។
លោកDonisនិយាយទាំងទឹកភ្នែកថា«ខ្ញុំមានអារម្មណ៍ថាជារឿងអយុត្តិធម៌ ព្រោះបានជួបរឿងអកុសលដល់ទៅ២ករណីគឺ ទី១ត្រូវប្រពន្ធផិតក្បត់ និងទទួលទោសជាប់គុក១៥ឆ្នាំទៀត» ។
លោកDonisត្រូវចូលសវនាការកាត់ក្តីម្តងទៀតនៅថ្ងៃទី២០ កញ្ញា ២០១៧ ៕
ចែករំលែកព័តមាននេះ