ទូទាំងទីប្រជុំជនខ្សឹបខ្សៀវគ្នា ពេលសេដ្ឋីចាស់អាយុ៨០ឆ្នាំ យកប្រពន្ធក្មេងអាយុទើបតែ២០ឆ្នាំ ។ មួយឆ្នាំក្រោយមក នាងប្រពន្ធក្មេងសម្រាលកូន ។ នាងគិលានុបដ្ឋាយិកាម្នាក់ជូនពរលោកតាប្តី ៖
-អ៊ំពិតជាអស្ចារ្យមែន សូមជួយត្រេកអរផង ។ ប៉ុន្តែទន្ទឹមគ្នានេះ ខ្ញុំសូមអភ័យទោសសួរលោកអ៊ំថា លោកអ៊ំអាយុជាង៨០ឆ្នាំហើយ ធ្វើម៉េចទើបនៅតែអាចបង្កើតកូនបានទៀត ?
សេដ្ឋីចាស់ឆ្លើយយ៉ាងព្រងើយ ៖
-មកពីខ្ញុំរក្សាម៉ាស៊ីនឱ្យវានៅតែដើរល្អហ្នឹងណា ។
បន្ទាប់ពីកូនដំបូង ស្រាប់តែមួយឆ្នាំក្រោយមកប្រពន្ធក្មេងរបស់លោកតាសម្រាលកូនទី២ទៀត ។ នាងគិលានុបដ្ឋាយិកាសួរសំណួរដដែលជាមួយលោកតាសេដ្ឋីអាយុជាង៨០ឆ្នាំ តែត្រូវឆ្លើយចម្លើយដដែលៗ«មកពីខ្ញុំរក្សាម៉ាស៊ីនឱ្យវានៅតែដើរល្អហ្នឹងណា ! ។
ចម្លែកណាស់ ,កូនទី២មិនទាន់ចេះឈរស្រួលបួលផង នាងប្រពន្ធក្មេងល្ហក់របស់លោកតាសេដ្ឋីសម្រាលកូនទី៣ទៀត ។ ពេលនាងគិលានុបដ្ឋាយិកាសួរសំណួរដដែល លោកតាសេដ្ឋីនៅតែឆ្លើយដដែលយ៉ាងមោទនៈ«មកពីខ្ញុំរក្សាម៉ាស៊ីនឱ្យវានៅតែដើរល្អហ្នឹងណា !» ។
ប៉ុន្តែលើកនេះនាងគិលានុបដ្ឋាយិកាបន្តឹងសំឡេងវិញ ៖
-ម៉េចម៉ាស៊ីនរបស់លោកអ៊ំមិនប្តូរប្រេងម៉ាស៊ីន ? ដឹងទេ ,កូនទី៣នេះខ្មៅដូចបាតខ្ទះអីុចឹង ៕
ចែករំលែកព័តមាននេះ