(បទកាកគតិ)
- ១. សែនមហាអនិច្ចា រៀលក្រដាសហារ ជ្រុះជិតផ្សារថ្មី
ដើរជាន់គ្រប់គ្នា មិនថាប្រុសស្រី អ្នកសុំទានក្ដី
មិនខ្ចីរមិល ។
- ២. ខ្ញុំរើសជូតស្អាត ពន្លាអោយលាត ហាលថ្ងៃសំដិល
ហុចក្មេងក្នុងផ្សារ សុំទានជុំវិល យិះ ពូនេះខិល
អោយ៥០រៀល ។
- ៣. ក្មែងអត់យកទេ គេស្ដីថានែ! ប្រយ័ត្ដគេដៀល
បើអោយមិនអោយ កុំឆ្កឹសកុំឆ្កៀល អោយ៥០រៀល
ទិញស្អីបានស៊ី ?។
- ៤. រៀលអើយរៀលហារ ម្ដេចឡើយវាសនា ឯងយ៉ាប់ដល់ទី
គ្មានគេរាប់រក ថែមជាន់វក់វី ក្រសួងមន្ទីរ
អន្ដរាគមផង ។
- ៥. បើបាតដុល្លា ម្លេះសមអ្នកណា ក៏ប្រាថ្នាប៉ង
តែនេះរៀលហារ អនិច្ចាកន្លង លោកអើយជួយផង
កុំអោយគ្នាហើម ។
(និពន្ធដោយលោក ឃុត ណារិនកាន់បូ)
ចែករំលែកព័តមាននេះ