បិសាចក្រហម Man Utd លើកពានរង្វាន់ Community Shield លើកទី18
13 ឆ្នាំ មុន
ក្រុមបិសាចក្រហម Man Utd ធ្វើការសងសឹកបានសំរេចទៅលើក្រុមជើងឯកពីរក្របខណ្ឌតោខៀវ Chelsea ដោយបំបាក់ ៣-១ កាលពីរាត្រីថ្ងៃអាទិត្យនៅក្នុងពហុកីឡដ្ឋានWembley។ ការយកជ័យជំនះទៅលើក្រុមដ៏ខ្លាំងមួយនេះធ្វើឱ្យក្រុម Man Utd បានបង្កើនចំនួនការគ្រប់គ្រងពានរង្វាន់ Community Shield បានរហូតទៅដល់ចំនួន១៨លើកនៅក្នុងប្រវត្តិសាស្ត្របាល់ទាត់របស់ គេ ហើយនេះក៏ជាការព្រមានដល់ក្រុម Chelsea សំរាប់ការប្រជែងយកជើងឯកអង់គ្លេសប្រឺមីញេលីកនៅរដូវកាលថ្មីៗ នេះផងដែរ។
ក្រុមបិសាចក្រហម Man Utd ធ្វើការសងសឹកបានសំរេចទៅលើក្រុមជើងឯកពីរក្របខណ្ឌតោខៀវ Chelsea ដោយបំបាក់ ៣-១ កាលពីរាត្រីថ្ងៃអាទិត្យនៅក្នុងពហុកីឡដ្ឋានWembley។ ការយកជ័យជំនះទៅលើក្រុមដ៏ខ្លាំងមួយនេះធ្វើឱ្យក្រុម Man Utd បានបង្កើនចំនួនការគ្រប់គ្រងពានរង្វាន់ Community Shield បានរហូតទៅដល់ចំនួន១៨លើកនៅក្នុងប្រវត្តិសាស្ត្របាល់ទាត់របស់គេ ហើយនេះក៏ជាការព្រមានដល់ក្រុម Chelsea សំរាប់ការប្រជែងយកជើងឯកអង់គ្លេសប្រឺមីញេលីកនៅរដូវកាលថ្មីៗនេះផងដែរ។ នៅក្នុងការប្រកួត៩០នាទី ការគ្រប់គ្រងបាល់ និងឱកាសស៊ុតបាល់បញ្ចូលទីរវាងក្រុមទាំងពីរមានប្រហាក់ប្រហែលគ្នាតែក្រុម Chelsea ពុំមានសំណាង ពីព្រោះក្រុម Man Utd មានខ្សែការពាររឹងមាំល្អ។
ចូលមកដល់នាទីទី៤១កីឡាករ Valencia បាននាំសំណាងឱ្យក្រុម Man Utd គឺស៊ុតបាល់បញ្ចូលទីបាន១គ្រាប់ បន្ទាប់ពីមានការបញ្ជូនបាល់ដ៏ល្អរបស់កីឡាករវ៉េន រូនីធ្វើឱ្យចប់ការប្រកួតតង់ទី១ ក្រុម Man Utd បាននាំមុខក្រុម ការពារពានរង្វាន់ Community Shield Chel sea ១-០។ នៅក្នុងការប្រកួតតង់ទី២ នាទីទី៧៦ កីឡាករ Hernandez ដែលទើបទិញមកថ្មីពីប្រទេសម៊ិចស៊ិក មានឱកាសស៊ុតបាល់បាន១គ្រាប់ថែមទៀតនាំមុខ ២-០ ធ្វើឱ្យក្រុម Chelsea កាន់តែក្រពុលមុខខ្លាំងហើយបានធ្វើការវាយបកវិញ។ នៅក្នុងនាទីទី៨០ ក្រុម Chelsea ដែលបានប្រឹងប្រែងវាយបកលឿនៗនោះទទួលបានលទ្ធផលល្អគឺកីឡាករ Kalou មានលទ្ធភាពស៊ុតបាល់បាន១គ្រាប់តាមពីក្រោយក្រុម Man Utd ។ រយៈពេល៧នាទីមុននឹងបញ្ចប់ការប្រកួតក្រុម Man Utd នៅតែបង្កើនការគាបសង្កត់ទៅលើក្រុម Chelsea ដោយបារម្ភខ្លាចក្រុមនេះតាមយកស្មើ ហើយជាលទ្ធផលគឺទទួលបានជោគជ័យមែន បន្ទាប់ពីមានការបញ្ជូនបាល់ពីកីឡាករ Nani ធ្វើឱ្យកីឡាករ Berbatov មានឱកាសស៊ុតបាល់បញ្ចូលទីបន្ថែមបាន១គ្រាប់ទៀត ធ្វើឱ្យចប់ការប្រកួតផ្លូវការក្រុម Man Utd បានយកឈ្នះ Chelsea ដោយលទ្ធផល ៣-១ លើកពានរង្វាន់ Commu nity Shield លើកទី១៨ក្នុងប្រវត្តិសាស្ត្របាល់ទាត់របស់ខ្លួន៕
ចែករំលែកព័តមាននេះ