រាជធានីភ្នំពេញ ៖ ក្នុងឆន្ទៈជួយ ថែរក្សាឧបករណ៍ភ្លេងបុរាណខ្មែរ ដែលមាន មួយចំនួនស្ទើរតែបាត់បង់ទៅហើយនោះ ក៏ដូច ជួយបណ្ដុះបណ្ដាលអ្នកជំនាន់ក្រោយដែលមាន និស្ស័យខាងសិល្បៈ តែពួកគេគ្មានឱកាសដើម្បី បង្ហាញនូវទេពកោសល្យ ទើបផលិតកម្មវឌ្ឍរក្ស ត្រូវបានបង្កើតឡើងរហូតមកដល់ពេលនេះ បាន ផលិតនូវស្នាដៃជាភាពយន្ដខ្មែរនិងចេញជា ឌីវីឌីខារ៉ាអូខេដែលមានបទភ្លេងនិងទំនុក ច្រៀងថ្មីមួយចំនួនទៀតផង ។
ក្នុងសន្និសីទសារព័ត៌មានកាលពីល្ងាចថ្ងៃទី ៥ សីហា កន្លងទៅ លោកអាន ចនផន ជាចាង ហ្វាងផលិតកម្មវឌ្ឍរក្សបានថ្លែងឱ្យដឹងថា ផលិតកម្មវឌ្ឍរក្សបានបង្កើតឡើងរយៈពេល៥ ឆ្នាំហើយ ដោយបានប្រមែប្រមូលក្រុមយុវជន ដែលមាននិស្ស័យខាងវិស័យសិល្បៈ និងអ្នក ដែលមានជំនាញខាងលេងឧបករណ៍ភ្លេងបុរាណ មកចូលរួមជួយគ្នាធ្វើយ៉ាងណាអភិរក្សបទភ្លេង និងទំនុកច្រៀងថ្មីៗដើម្បីបំរើអារម្មណ៍មហាជន ទូទៅក្នុងការទស្សនា និងការស្ដាប់កំសាន្ដ ។
ក្នុងពេលថ្មីៗនេះផលិតកម្មវឌ្ឍរក្សបាន ចេញឌីវីឌីខារ៉ាអូខេ VOLថ្មីទៀត ដោយបាន សំរិតសំរាំងបំផុតដែលក្នុងនោះ៩៩% ជាបទ ភ្លេង និងទំនុកច្រៀងថ្មី ចំរៀង មានន័យពីរោះ ការសំដែងកាយវិការមានភាពរស់រវើកជាមួយ នឹងបទភ្លេងឧបករណ៍បុរាណយ៉ាងលន្លង់លន្លោច ទៀតផង ។ លោកអាន ចនផន បានឱ្យដឹង ទៀតថា ផលិតកម្មវឌ្ឍរក្សបានប្រមូលឧបកណ៍ ភ្លេងបុរាណដែលមានខ្លះស្ទើរតែបាត់បង់ទៅ ហើយនោះឱ្យមានសកម្មភាពឡើងវិញ ដែល ក្នុងនោះមានដូចជាប៉ីអ ប៉ីពក ទ្រខ្សែ៣ ក្លុយ សាឌៀវជាដើម ហើយ រាល់ការប្រគំតន្ដ្រីគឺ មានលោកធុច សាវ៉ាង ជាអ្នកនិពន្ធបទភ្លេង និងសម្រួលតន្ដ្រី ។ លោកចាងហ្វាងផលិតកម្ម រូបនេះបានលើកឡើងពីបទចំរៀងពីរោះៗដែល បានចេញនៅក្នុងឌីវីឌី VOLទី២ ដែលមាន អ្នកច្រៀងនិងតួសំដែងលេចធ្លោជាងគេគឺ កញាថន សីម៉ា អមដោយតួ សំខាន់ៗជាច្រើន ទៀតមានកញាថន ដីកា យ៉ាន់ ស្រីមុំ លោក ម៉េង សីហាជាដើម ហើយបទចំរៀងដែលគួរឱ្យ ចាប់អារម្មណ៍នោះមានបទជ្រលងព្រៃភ្នំ បទ ឆ្លើយប្រាប់អូនមក បទបើកលុយជូនម៉ែ ឬបទ ជំងឺចម្លែកជាដើម ដែលចំរៀងទាំងអស់សុទ្ធ តែនិពន្ធបទភ្លេង និងទំនុកច្រៀងថ្មីដោយលោក ធុច សាវ៉ាង ។
លោកអាន ចនផន បានពោលដោយ មោទនភាពថា ផលិតកម្ម វឌ្ឍរក្ស មិនត្រឹម តែផលិតបានតែខារ៉ាអូខេប៉ុណ្ណោះទេ តែកន្លង មកក្រុមសិល្បៈក្នុងផលិតកម្មនេះបានផលិតនូវ ខ្សែភាពយន្ដមួយដែលមានចំណងជើងថា “ផ្ទះ ធ្មប់” ត្រូវបានចាក់បញ្ចាំងនៅតាមបណ្ដាខេត្ដ ហើយទទួលបានការគាំទ្រយ៉ាងកក់ក្ដៅ ទៀតផង ។ រឿងនេះលាតត្រដាងបង្ហាញនូវ អបិយជំនឿរបស់ខ្មែរនៅសម័យលង្វែក ។ លោកអាន ចនផន បានបញ្ជាក់ថា ផលិតកម្ម របស់លោកគ្មានបំណងប្រកួតប្រជែងជាមួយ ផលិតកម្មផ្សេងៗទេ លោកមានគំនិតតែម្យ៉ាង គឺដើម្បីជួយថែរក្សាមរតក ឧបករណ៍ភ្លេងខ្មែរ យើងដែលមាននិស្ស័យនិងសិល្បៈនោះឱ្យពួក គេមានអាជីពការងារដើម្បីរកចំណូលទ្រទ្រង់ ជីវភាព៕
ចែករំលែកព័តមាននេះ