ខេត្ដពោធិ៍សាត់ ៖ សត្វជ្រឹងរាប់ពាន់ ក្បាល បានមករស់នៅយ៉ាងពពាក់ពពូនក្នុង បរិវេណវត្ដកំប៉ាង ស្ថិតក្នុងភូមិគម្ពោតអាង ឃុំស្វាយដូនកែវ ស្រុកបាកាន ដែលអាចចាត់ ទុកថាជាជំរើសរកកន្លែងសុខសាន្ដរបស់ពពួក សត្វទាំងនេះ បន្ទាប់ពីរស់នៅកន្លែងផ្សេង មិនបានសេចក្ដីសុខដោយសារព្រានព្រៃតាម ប្រមាញ់។ព្រះចៅអធិការវត្ដមានថេរដីកាបញ្ជាក់ប្រាប់ថា សត្វជ្រឹងបានមករស់នៅក្នុងវត្ដ កំប៉ាងនេះកាលពីខែមេសា ឆ្នាំ២០០៩ មុនចូលឆ្នាំខ្មែរ ។ មុនដំបូងមានប្រមាណជាង ១០០ក្បាលប៉ុណ្ណោះ ហើយរស់នៅតែខាង ក្រៅវត្ដទេ ប៉ុន្ដែដោយសារមានប្រជាពល រដ្ឋបរបាញ់ទើបសត្វទាំងនោះផ្អើលចូលមក រស់នៅក្នុងវត្ដរហូតតែម្ដង។
ដោយសារពុំ មានព្រានព្រៃរំខាន សត្វជ្រឹងបានហើរពី កន្លែងផ្សេងៗមករស់នៅកើនឡើងពីមួយខែ ទៅមួយខែរហូតមកដល់ពេលនេះតាមការ ប៉ាន់ស្មានមានចំនួនមិនតិចជាង១០.០០០ ក្បាលនោះទេ។ ពេលថ្ងៃសត្វជ្រឹងទាំងនោះ ដេកលើដើមត្រសេក ដើមឫស្សី និងដើម ក្រសាំងក្នុងវត្ដយ៉ាងពពាក់ពពូនរយីង រយោងមើលទៅដូចស្លឹកឈើ លុះពេលយប់ ពួកវាហើរទៅរកចំណីនៅខាងក្រៅបាត់អស់ ទាល់តែទៀបភ្លឺទើបវិលចូលទ្រនំវិញ។ ពេលថ្ងៃខណៈពេលកំពុងដេកលើដើមឈើនោះ គេតែងឮសម្លេងយំចេចចាច ហើយបើមានរថ យន្ដប្រតិភូឬមនុស្សស្រែកនិងគប់ដុំដីបង្អើល វិញ សត្វជ្រឹងទាំងនោះបាននាំគ្នាហើរឡើង ខ្មៅងងឹតពេញមេឃវិលចុះវិលឡើងលុះ ស្ងាត់មនុស្សទើបចូលទ្រនំដូចធម្មតាវិញ ។
ព្រះចៅអធិការបានឱ្យដឹងដែរថាកាលពីខែ កុម្ភៈ ឆ្នាំ២០០៩ មុនមានសត្វជ្រឹងមករស់នៅ នោះក៏មានសត្វកុកប្រមាណជាង១០០ក្បាល មករស់នៅក្បែរៗវត្ដដែរ តែដោយសារមាន អ្នកតាមប្រមាញ់ក៏បាត់ទៅវិញអស់មិនដឹង ជាទៅទីណា។លោកប៉ុនសំអានមេភូមិកំប៉ាង បាន ប្រាប់កោះសន្ដិភាពថា សត្វជ្រឹងដែលមករស់ នៅក្នុងវត្ដកំប៉ាងនេះអាចហើរមកពីខេត្ដ ផ្សេងៗជុំវិញបឹងទន្លេសាប ដោយសារនៅ ទីនោះព្រានព្រៃបរបាញ់ច្រើនពេក ទើបរត់ មករកទ្រនំសុខសាន្ដក្នុងវត្ដអារាម ជាប់ព្រៃរនាមនេះ ដែលចាត់ទុកថាជាកន្លែងជ្រក កោនមានសុវត្ថិភាពរួចផុតពីការប្រមាញ់ របស់ព្រានព្រៃទាំងនោះ។
លោកមាន ប្រសាសន៍ថា សត្វជ្រឹងដែលមករស់នៅទីនេះ ទំនងជាឃើញមានព្រៃសុវត្ថិភាពក្នុងវត្ដ មានទឹក និងមានស្រែប្រាំងខៀវស្រងាត់ ហើយបើទោះបីជាពុំមានស្ថាប័នជំនាញឬអង្គ ការណាធ្វើការអភិរក្សក៏ដោយ ក៏អាជ្ញាធរ មូលដ្ឋាននៅទីនេះបានប្រជុំផ្សព្វផ្សាយរួមគ្នា ការពារនិងមានវិធានការឃាត់ខ្លួន ឬផាក ពិន័យប្រសិនបើប្រជាពលរដ្ឋណាបរបាញ់សត្វ ជ្រឹងដែលកំពុងរស់នៅក្នុងវត្ដកំប៉ាងនេះ ។មានការលើកឡើងថា មន្ទីរ ស្ថាប័ន ជំនាញនិងអង្គការពាក់ព័ន្ធគួរតែមានវិធាន ការការពារនិងអភិរក្សសត្វជ្រឹងដែលមករស់ នៅក្នុងវត្ដកំប៉ាងនេះឱ្យបានគង់វង្ស ដើម្បីឱ្យ ពពួកសត្វទាំងនេះរីកសាយភាយកាន់តែ ច្រើនឡើងសំរាប់ភ្ញៀវទេសចរមើលកំសាន្ដ ក៏ដូចជាការចូលរួមការពារធនធានធម្មជាតិ និងបរិស្ថានរបស់ប្រទេសកម្ពុជាយើង៕
ចែករំលែកព័តមាននេះ