ខេត្ដបន្ទាយមានជ័យ ៖ ពិធីសម្ពោធដាក់ឱ្យប្រើប្រាស់ និងផ្សព្វផ្សាយនូវស្នាដៃនៃការបង្កើតម៉ាស៊ីនច្រូតស្រូវរបស់លោកឈួន ស៊ីផាន់ ដែលជាកសិករគំរូរស់នៅភូមិអូរអំបិល សង្កាត់អូរអំបិល ក្រុងសិរីសោភ័ណខេត្ដបន្ទាយមានជ័យ បានធ្វើការកែច្នៃគ្រឿង ចក្រច្រើនប្រភេទយកមកផ្គុំឱ្យកើតទៅជា ម៉ាស៊ីនច្រូតស្រូវស្វ័យប្រវត្ដិ ។ ការបង្កើតម៉ាស៊ីនច្រូតស្រូវថ្មីនេះឡើងត្រូវបានទទួល ស្គាល់ពីសម្ដេចតេជោ ហ៊ុន សែន នាយករដ្ឋមន្ដ្រី ធ្វើការកោតសរសើរ លើកទឹកចិត្ដ ដើម្បីពង្រីកការកែច្នៃម៉ាស៊ីនច្រូតស្រូវនេះ ឱ្យកាន់តែមានភាពល្អប្រសើរប្រកបដោយ គុណភាព ហើយចំណាយអស់ថវិកាតិច និង ចំណេញពេលវេលា ។ កន្លងមក កសិករ យើងច្រើនតែច្រូតដោយដៃ ហើយបច្ចុប្បន្ន នៅឯប្រទេសជឿនលឿនគេបានប្រើប្រាស់ ម៉ាស៊ីនច្រូតស្រូវទំនើបៗ ។
នៅក្នុងពិធីថ្ងៃទី៩ ឧសភា ឆ្នាំ២០១០ នៅ ភូមិ-ឃុំ ខាងលើដែលមានលោកហេង ប៊ុន ណា ប្រធានមន្ទីរកសិកម្មខេត្ដបន្ទាយមាន ជ័យ លោកអុំ រាត្រី អភិបាលក្រុងសិរីសោ ភ័ណ អ្នកវិនិយោគ និងប្រជាកសិករចូល រួមប្រមាណ២០០នាក់ អមអរសាទរនោះ លោកឈួន ស៊ីផាន់ បានមានប្រសាសន៍ថា លោកពិតជាមានការរំភើបរីករាយយ៉ាងខ្លាំង ដោយម៉ាស៊ីនច្រូតស្រូវរបស់លោកដែលទើបបង្កើតថ្មីនេះមានការចាប់អារម្មណ៍ពីសម្ដេច តេជោ ហ៊ុន សែន ហើយខ្លួនលោកក៏បានតាំង ចិត្ដថានឹងខិតខំស្រាវជ្រាវបន្ដទៀត ដើម្បី ជាប្រយោជន៍ដល់ប្រជាកសិករកម្ពុជាទាំង អស់យកទៅប្រើប្រាស់ដោយធានាទាំងគុណ ភាព និងចំណេញទាំងវេលា គឺធ្វើយ៉ាងណា មិនឱ្យសម្ដេចតេជោអស់សង្ឃឹមក្នុងការលើកទឹកចិត្ដនោះទេ ។
ចែករំលែកព័តមាននេះ