អតីតប្រធានាធិបតីអេហ្ស៊ីបលោកហូស្នី មូបារ៉ាក់ ត្រូវបានហាមមិនឱ្យចាកចេញពីប្រទេសខណៈពេលដែលរដ្ឋាភិបាល បណ្តោះអាសន្នបានបង្កើតនីតិវិធីច្បាប់ប្រឆាំងរូបលោក និងគ្រួសាររបស់លោក ។ អគ្គមេធាវីរបស់អេហ្ស៊ីប លោក Abdel Meguid Mohmoud ក៏បានប្រកាសផងដែរថា ទ្រព្យសម្បត្តិក្នុងស្រុកទាំងអស់របស់លោកមូបារ៉ាក់ នឹងត្រូវផ្អឹបទុករង់ចាំការស៊ើបអង្កេតបន្ថែមទៀត ។
អតីតប្រធានាធិបតីអេហ្ស៊ីបលោកហូស្នី មូបារ៉ាក់ ត្រូវបានហាមមិនឱ្យចាកចេញពីប្រទេសខណៈពេលដែលរដ្ឋាភិបាលបណ្តោះអាសន្នបានបង្កើតនីតិវិធីច្បាប់ប្រឆាំងរូបលោក និងគ្រួសាររបស់លោក ។ អគ្គមេធាវីរបស់អេហ្ស៊ីប លោក Abdel Meguid Mohmoud ក៏បានប្រកាសផងដែរថា ទ្រព្យសម្បត្តិក្នុងស្រុកទាំងអស់របស់លោកមូបារ៉ាក់ នឹងត្រូវផ្អឹបទុករង់ចាំការស៊ើបអង្កេតបន្ថែមទៀត ។
តាមប្រភពព័ត៌មានថា អតីតរដ្ឋមន្ត្រីមួយចំនួនស្ថិតក្រោមរបបរបស់លោកមូបារ៉ាក់ អតីតប្រធានាធិបតីអេហ្ស៊ីប ដែលត្រូវបានបណ្តេញចេញពីតំណែងក៏ស្ថិតក្រោមការហាមមិនឱ្យធ្វើដំណើរចេញពីប្រទេស ហើយទ្រព្យសម្បត្តិរបស់ពួកគេក៏ត្រូវផ្អឹបទុកដែរ ចាប់តាំងពីលោកមូបារ៉ាក់ ត្រូវបានបង្ខំឱ្យចុះចេញពីតំណែងកាលពីថ្ងៃទី១១ កុម្ភៈ កន្លងមក ។ រដ្ឋមន្ត្រីមួយចំនួនក្នុងចំណោមរដ្ឋមន្ត្រីទាំងនោះឥឡូវនេះកំពុងប្រឈមមុខនឹងការកាត់ទោសពីបទចោទប្រកាន់ពីការប្រព្រឹត្តអំពើពុករលួយរហូតដល់ការសម្លាប់បាតុករដោយខុសច្បាប់។
ប្រភពព័ត៌មានមួយនិយាយថា ការសម្រេចរបស់ប្រទេសអេហ្ស៊ីបផ្អឹបទុកទ្រព្យសម្បត្តិរបស់លោកមូបារ៉ាក់ និងគ្រួសាររបស់លោកជារឿងសំខាន់បំផុត ៕
ចែករំលែកព័តមាននេះ