ប្រាក់អឺរ៉ូអាចក្លាយជារូបិយវត្ថុនាំមុខគេក្នុងពិភពលោកក្នុងរយៈមួយទសវត្សក្រោយ ប្រសិនបើមេដឹកនាំនៃប្លុកដែលប្រើប្រាស់រូបិយវត្ថុអឺរ៉ូតែមួយទទួលបានជោគជ័យក្នុងការចូលអន្តរាគមន៍ពង្រឹងច្បាប់ហិរញ្ញវត្ថុ។ នេះបើតាមលោក Christian Noyer មន្ត្រីនៃធនាគារកណ្តាលអឺរ៉ុបនិយាយ ។ មេដឹកនាំអឺរ៉ុបនៅជាប់គាំងក្នុងការដោះស្រាយវិវាទក្នុងកិច្ចប្រជុំបន្ទាន់នៅក្នុងទីក្រុង Brussels នាថ្ងែទី៩ ធ្នូ ដើម្បីធ្វើសេចក្តីព្រាងនៃសន្ធិសញ្ញាថ្មីសម្រាប់ជម្រៅនៃសេដ្ឋកិច្ចសហភាព ដើម្បីសម្រាលវិបត្តិប្រាក់បំណុលដែលចេះតែគំរាមដល់ការដួលរលំនៃរូបិយវត្ថុអឺរ៉ូ។
វិធានការថ្មីបណ្តោះអាសន្នបានធ្វើឲ្យទីផ្សារមានភាពស្ងប់ស្ងាត់ ប៉ុន្តែក្តីបារម្ភបានលេចឡើង ស្របពេលដែលការបញ្ជាក់រឿងលម្អិតចុងក្រោយនៃកិច្ចព្រមព្រៀងនៅមិនទាន់បានសម្រេច ហើយសន្ធិសញ្ញាថ្មីអាចត្រូវការពេលចរចា៣ខែ។ ទីភ្នាក់ងារអត្រា Fitch បាននិយាយថា ខ្លួនមានក្តីងឿងឆ្ងល់ចំពោះដំណោះស្រាយលើវិបត្តិប្រាក់បំណុល និងជំរុញឲ្យមានសកម្មភាពជាក់លាក់បន្ថែមទៀតពីECB។
លោកNoyer និយាយថា ប្រសិនបើយើងប្រតិបត្តិតាមគ្រប់សេចក្តីសម្រេចក្នុងកិច្ចប្រជុំទីក្រុងBrussels យើងនឹងគេចផុតពីវិបត្តិ ហើយក្នុងរយៈពេល១០ឆ្នាំទៀត ប្រាក់អឺរ៉ូប្រហែលក្លាយជារូបិយវត្ថុលេខមួយពិភពលោក៕
ចែករំលែកព័តមាននេះ