ពួកចារបុរសកូរ៉េខាងត្បូងអះអាងថា «មេដឹកនាំជាទីស្នេហា» របស់កូរ៉េខាងជើងពុំមែនស្លា.ប់ដោយសារមូលហេតុនានាដែលប្រកាសដោយបណ្តាម៉ាស៊ីនឃោសនារដ្ឋឡើយ ។ អាចពុំមែនស្លា.ប់ដូចតាមកាលបរិច្ឆេទដែលគេរាយការណ៍ផង។ ជាផ្លូវការគេប្រកាសថា លោកគីម ជុងអ៊ីល ស្លា.ប់ដោយសារគាំងបេះដូងកាលពីថ្ងៃទី១៧ ធ្នូ ២០១១ នាវេលាម៉ោង៨និង៣០នាទីព្រឹក ក្នុងរថភ្លើងពាសដែករបស់លោក។
ពួកចារបុរសកូរ៉េខាងត្បូងអះអាងថា «មេដឹកនាំជាទីស្នេហា» របស់កូរ៉េខាងជើងពុំមែនស្លាប់ដោយសារមូលហេតុនានាដែលប្រកាសដោយបណ្តាម៉ាស៊ីនឃោសនារដ្ឋឡើយ ។ អាចពុំមែនស្លាប់ដូចតាមកាលបរិច្ឆេទដែលគេរាយការណ៍ផង។ ជាផ្លូវការគេប្រកាសថា លោកគីម ជុងអ៊ីល ស្លាប់ដោយសារគាំងបេះដូងកាលពីថ្ងៃទី១៧ ធ្នូ ២០១១ នាវេលាម៉ោង៨និង៣០នាទីព្រឹក ក្នុងរថភ្លើងពាសដែករបស់លោក។
មរណភាពនេះត្រូវគេលាក់រហូតដល់ថ្ងៃទី១៩ ធ្នូ ទើបប្រកាសឱ្យដឹង ពេលម៉ាស៊ីនឃោសនាផ្លូវការទាំងឡាយប្រកាសការរលត់ «ព្រះអាទិត្យនៃសតវត្សទី២១»។ ក៏ប៉ុន្តែចារបុរសរបស់កូរ៉េខាងត្បូងម្នាក់មានការសង្ស័យចំពោះការបកស្រាយជាផ្លូវការពីមរណភាពនេះ។ លោក WON SEI-HOON ប្រមុខភ្នាក់ងារសម្ងាត់កូរ៉េខាងត្បូងអះអាងក្នុងសម័យប្រជុំសភាមួយកាលពីថ្ងៃទី២០ ធ្នូ ថា រថភ្លើងដែលថាដឹកលោកគីម ជុងអ៊ីល ពុំទៅណាចេញពីស្ថានីយក្រុងព្យុងយ៉ាងឡើយ ទាំងថ្ងៃទី១៦ និងទាំងថ្ងៃទី១៧ ធ្នូ ជាថ្ងៃប្រកាសពីមរណភាពរបស់មេដឹកនាំរូបនេះ។
សួរថាតើនៅកន្លែងណា និងពេលណា ដែលមេដឹកនាំជាទីស្នេហានេះទទួលមរណភាព? បណ្តាភ្នាក់ងារសម្ងាត់កូរ៉េខាងត្បូងបញ្ជាក់ម្យ៉ាងទៀតថា លោកគីម ជុងអ៊ីល ដែលធ្លាប់មានបញ្ហាហូរឈាមក្នុងខួរក្បាលកាលពីឆ្នាំ២០០៨នោះ ពុំដែលចេញទៅធ្វើការឆាប់បែបនេះនាពេលព្រឹកឡើយ ។ ការអះអាងទាំងឡាយនេះធ្វើដោយប្រុងប្រយ័ត្ន ដោយពួកចារបុរសកូរ៉េខាងត្បូងដែលបាក់មុខមាត់បន្តិច។ ភ្នាក់ងារសម្ងាត់ទាំងនេះរងការរិះគន់យ៉ាងខ្លាំងថា ពុំបានដឹងពីការស្លាប់របស់ជនផ្តាច់ការកូរ៉េខាងជើងនេះ មុនការប្រកាសជាផ្លូវការ។ សមាជិកសភាប្រឆាំងម្នាក់រហូតដល់ស្នើឱ្យដកលោក WON SEI-HOON ចេញផងដោយសារបរាជ័យនេះ។
ប្រធានាធិបតីកូរ៉េខាងត្បូង លោកលី ម្យុងបាក់ ដើម្បីការពារប្រមុខភ្នាក់ងារសម្ងាត់របស់លោកថ្លែងថា ពិតណាស់ដែលយើងដឹងពីមរណភាពរបស់លោកគីម ជុងអ៊ីល ពេលមានការប្រកាសជាផ្លូវការ ក៏ប៉ុន្តែប្រទេសដទៃៗទៀតក៏ស្ថិតក្នុងសភាពការណ៍ដូចគ្នានេះដែរ ។ ទាំងសហរដ្ឋអាមេរិក ទាំងចិនជាសម្ព័ន្ធមិត្តកូរ៉េខាងជើង ក៏ដឹងព័ត៌មាននេះរហូតដល់ថ្ងៃទី១៩ ធ្នូ ដូចគ្នា ៕
ចែករំលែកព័តមាននេះ