ខេត្តកំពង់ចាម ៖ កាលពីព្រឹកថ្ងៃទី៨ ធ្នូ ២០១១ នៅការិយាល័យតំបន់៥ ស្ថិតនៅសង្កាត់វាលវង់ ក្រុងកំពង់ចាម មានប្រារព្ធពិធីប្រគល់Gold Crown ម៉ូតូកង់បី(Tuk Tuk) ចំនួន១៦គ្រឿង ដល់អនុចែកចាយស្រាបៀររបស់ក្រុមហ៊ុនCBL ដំណាក់កាលទី៣ ចំពោះអាជីវករ មកពីតាមបណ្តាខេត្ត-ក្រុងចំនួន៧ ក្នុងភាពកក់ក្តៅនិងរាក់ទាក់ ។
លោកKoh Taihong អគ្គនាយកក្រុមហ៊ុន CBL បានថ្លែងឱ្យដឹងថា រូបលោកមានសេចក្តីសប្បាយរីករាយណាស់ដោយបានឃើញអាជីវករសស្រាក់សស្រាំធ្វើដំណើរចេញមកពីតាម បណ្តាខេត្តនានាតាំងពីព្រឹកព្រលឹម មកកាន់ក្រុមហ៊ុនស្រាបៀរដែលស្ថិតនៅក្នុងក្រុងកំពង់ចាម ទាំងទឹកមុខស្រស់ស្រាយទៀតផង ។
លោក Koh Taihong អគ្គនាយកក្រុម ហ៊ុនCBL បានថ្លែងបន្តថា ជាមួយនោះដែររូប លោកក៏សូមថ្លែងនូវអំណរគុណចំពោះការគាំទ្រ នាពេលកន្លងមករហូតដល់បច្ចុប្បនេះ ប្រសិន ណាបើមិនមានការគាំទ្រពីសំណាក់អាជីវករទេនោះ ក៏មិនទទួលបានជោគជ័យដូចថ្ងៃនេះដែរ ។ រូបលោកមានជំនឿយ៉ាងមុតមាំថា នាឱកាសក្រោយៗនឹងមានចែករង្វាន់ធំជាងនេះ អាចឈានដល់រថយន្ត ធ្វើយ៉ាងណាសម្រាប់បំពេញដល់សេវាកម្មដឹកជញ្ជូនស្រាបៀរទៅឱ្យអតិថិជនកាន់តែប្រសើរឡើង ។
សូមបញ្ជាក់ថា នាពេលកន្លងមកយើងក៏បានធ្វើពិធីចែករង្វាន់ម៉ូតូ Tuk Tuk បែបនេះដែរដូចជា ១-នៅរាជធានីភ្នំពេញចំនួន១០គ្រឿង ២-នៅខេត្តតាកែវចំនួន៤គ្រឿង ៣-នៅខេត្តកំពត ចំនួន៣គ្រឿង និងលើកទី៣ ត្រូវបានចែកនៅក្នុងក្រុងកំពង់ចាម ។ ជាក់ស្តែងម៉ូតូTuk Tuk ចំនួន១៦ គ្រឿងខាងលើសម្រាប់បែងចែកដល់អនុចែកចាយស្រាបៀរតាមបណ្តាខេត្ត-ក្រុងដូចជា ខេត្តស្វាយរៀង ព្រៃវែង កំពង់ចាម ត្បូងឃ្មុំ ក្រចេះ ស្ទឹងត្រែង និងខេត្តរតនគិរី ។
លោក Koh Taihong អគ្គនាយកក្រុមហ៊ុន CBL បានបញ្ជាក់បន្ថែមថា ការចែករង្វាន់ម៉ូតូ Tuk Tuk ទាំង១៦គ្រឿងនេះគឺក្នុងគោល បំណងលើកទឹកចិត្តដល់អនុចែកចាយស្រាបៀរ របស់ក្រុមហ៊ុនCBL ព្រមទាំងពង្រីកនិងពង្រឹង ការលក់ចែកចាយផលិតផលរបស់ក្រុមហ៊ុន ស្រាបៀរCBL ដែលបានផលិតស្រាបៀរកំពុងពេញនិយមក្នុងនោះមានដូចជា Tiger Beer ABC Stout Anchor Beer និង Gold Crown ៕
ចែករំលែកព័តមាននេះ