រាជធានីភ្នំពេញ ៖ បុរសម្នាក់ផឹកស្រវឹងដើរទៅបត់ជើងតូចនៅមុខផ្ទះជាប់របងរោងចក្រ កាត់ដេរត្រូវជនដៃដល់កា.ប់នឹងកាំបិតប៉័ងតោរយះក្បាល។ ចំណែកមិត្ដភក្ដិម្នាក់ទៀត រត់ទៅជួយក៏ត្រូវជនដៃដល់កា.ប់មួយកាំបិតទៀតរងរបួសដៃខាងស្ដាំ កាលពីវេលាម៉ោង១០និង១៥នាទីយប់ថ្ងៃទី៨ ធ្នូ នៅផ្សារព្រៃពង្រ សង្កាត់ចោមចៅ ខណ្ឌដង្កោ ។
រាជធានីភ្នំពេញ ៖ បុរសម្នាក់ផឹកស្រវឹងដើរទៅបត់ជើងតូចនៅមុខផ្ទះជាប់របងរោងចក្រកាត់ដេរត្រូវជនដៃដល់កាប់នឹងកាំបិតប៉័ងតោរយះក្បាល។ ចំណែកមិត្ដភក្ដិម្នាក់ទៀត រត់ទៅជួយក៏ត្រូវជនដៃដល់កាប់មួយកាំបិតទៀតរងរបួសដៃខាងស្ដាំ កាលពីវេលាម៉ោង១០និង១៥នាទីយប់ថ្ងៃទី៨ ធ្នូ នៅផ្សារព្រៃពង្រ សង្កាត់ចោមចៅ ខណ្ឌដង្កោ ។
ជនរងគ្រោះឈ្មោះភក្ដី ភេទប្រុស អាយុ២៧ឆ្នាំ ជាជាងកាត់សក់ ស្នាក់នៅសង្កាត់បឹងសាឡាង ខណ្ឌទួលគោក រងរបួសក្បាលរយះមួយចង្អុលដៃ។ ចំណែកជនរងគ្រោះម្នាក់ទៀតឈ្មោះឃឿន សីហា ភេទប្រុស អាយុ២៥ឆ្នាំ ស្នាក់នៅផ្ទះជួលជិតផ្សារព្រៃពង្រ សង្កាត់ចោមចៅ ខណ្ឌដង្កោ មានស្រុកកំណើតនៅភូមិពោធិញែក ឃុំផ្ទះព្រៃ ស្រុកសំពៅមាស ខេត្ដពោធិ៍សាត់ របួសដៃស្ដាំមួយកាំបិត ។
តាមការឱ្យដឹងពីម្ចាស់ផ្ទះឈ្មោះវុទ្ធី ភេទប្រុស អាយុ២៦ឆ្នាំ ជាអ្នកលក់ទូរស័ព្ទ ស្នាក់នៅកន្លែងកើតហេតុខាងលើបានឱ្យដឹងថា កាលពីល្ងាចថ្ងៃកើតហេតុរូបគេបានទូរស័ព្ទហៅជនរងគ្រោះមកផឹកស៊ីនៅផ្ទះរបស់គេ លុះផឹករហូតដល់ម៉ោងខាងលើជនរងគ្រោះបានដើរទៅបត់ជើងតូចនៅមុខផ្ទះជាប់របងរោងចក្រកាត់ដេរ ដែលកន្លែងនោះជាកន្លែងលក់បង្អែម ប៉ុន្ដែគេលក់អស់ហើយ។ ខណៈកំពុងតែឈរបត់ជើងតូចស្រាប់តែបុរសជាប្ដីអ្នកលក់បង្អែម មិនដឹងជាមានរឿងអី ស្រាប់តែយកកាំបិតប៉័ងតោទៅកាប់ចំក្បាលជនរងគ្រោះមួយកាំបិត បណ្តាលឱ្យរយះមួយចង្អុលដៃ។ ខណៈនោះមិត្ដភក្ដិនៅអង្គុយផឹកឈ្មោះឃឿន សីហា បានរត់ទៅជួយក៏ត្រូវបុរសនោះកាប់មួយកាំបិតចំដៃស្ដាំរងរបួសដែរ ។
ជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែកជនដៃដល់ត្រូវសមត្ថកិច្ចឃាត់ខ្លួនយកទៅសាកសួរដើម្បីកសាងសំណុំរឿងបញ្ជូនទៅតុលាការ៕
ចែករំលែកព័តមាននេះ