*ឆ្នាំ១៨៩៣
-ស្ត្រីនៅក្នុងរដ្ឋកូឡូរ៉ាដូ សហរដ្ឋអាមេរិក ត្រូវបានផ្តល់សិទ្ធិបោះឆ្នោត ជាលើកដំបូង។
*ឆ្នាំ១៩១៦
-ជីនណែត រ៉ែងឃីន គឺជាស្ត្រីទី១ ដែលបានជាប់ឆ្នោតជាសមាជិកាសភាសហរដ្ឋអាមេរិក ។
*ឆ្នាំ១៩១៧
-សង្គ្រាមលោកលើកទី១ ៖ កងកម្លាំងអង់គ្លេសចូលកាន់កាប់តំបន់ហ្គាហ្សារបស់អាណាចក្រ Ottoman ។
*ឆ្នាំ១៩១៨
-ជំងឺផ្តាសាយកម្រិតធ្ងន់បានរីករាលដាលនៅភាគខាងលិចប្រទេសសាវម៉ៃ ។ ជំងឺនេះបានសម្លាប់ប្រជាជនចំនួន៧.៥៤២នាក់ ជិតស្មើនឹង២០ភាគរយនៃចំនួនប្រជាជនសរុប ។
*ឆ្នាំ១៩៤១
-សង្គ្រាមលោកលើកទី២ ៈ នាវាមន្ទីរពេទ្យសហភាពសូវៀតឈ្មោះ Armenia ត្រូវបានបាញ់ពន្លិចដោយយន្តហោះអាល្លឺម៉ង់ ខណៈពេលដែលនាវានេះកំពុងជម្លៀសជនភៀសខ្លួន និងទាហានរបួស។ ការបាញ់ពន្លិចនាវានេះត្រូវគេបា៉ន់ស្មានថា មានមនុស្សជាង៥.០០០នាក់ បានស្លាប់ ។
*ឆ្នាំ១៩៥៦
-អគ្គលេខាធិការអង្គការសហប្រជាជាតិបានអំពាវនាវឱ្យប្រទេសអង់គ្លេស បារាំង និងអីុស្រាអែល ដកទ័ពចេញជាបន្ទាន់ពីប្រទេសអេហ្សុីប ។
*ឆ្នាំ១៩៨៣
-គ្រាប់បែក១គ្រាប់បានផ្ទុះនៅក្នុងវិមានព្រឹទ្ធសភាសហរដ្ឋអាមេរិក តែមិនបណ្តាលឱ្យនរណាម្នាក់រងរបួសទេ ។ ការខូចខាតអគារ និងសម្ភារដោយសារការផ្ទុះនេះសរុបជាទឹកប្រាក់ប្រហែលជាង២សែនដុល្លារ ។
*ឆ្នាំ១៩៩០
-លោកស្រី រូប៊ីនសុន បានក្លាយទៅជានាយករដ្ឋមន្ត្រីស្ត្រីលើកដំបូងបំផុតរបស់សាធារណរដ្ឋអៀរឡង់ ។
*ឆ្នាំ២០០១
-អាកាសចរណ៍របស់ប្រទេសប៊ែលហ្សុិក ជួបហានិភ័យក្ស័យធន ។
*ឆ្នាំ២០០៧
-អគារសិក្សាកម្ពស់ពីរជាន់នៅក្នុងប្រទេសហៃទី ដួលរលំជាមួយនឹងសិស្សសាលាជាង៥០០នាក់នៅខាងក្នុង ។ ការដួលរលំអគារនេះបានសម្លាប់កូនសិស្ស៧៥នាក់ ។
*ឆ្នាំ២០០៩
-ប្រទេសវេណេស៊ុយអេឡា បានដាក់ពង្រាយកងទ័ពចំនួន១៥.០០០នាក់ តាមបណ្តោយព្រំដែនរបស់ខ្លួនជាមួយប្រទេសកូឡុំប៊ី។
*ឆ្នាំ២០១០
-ព្រះមហាក្សត្រិយានី អេលីហ្សាបែតទី២ បានបង្កើតគេហទំព័រ Facebook ក៏ប៉ុន្តែមិនអនុញ្ញាតឱ្យនរណាម្នាក់ចូលទៅក្នុង Facebook របស់ព្រះអង្គឡើយ៕
ចែករំលែកព័តមាននេះ