រាជធានីភ្នំពេញ ៖ រថយន្តឡង់គ្រីស្ស័រមួយគ្រឿងខណៈកំពុងតែបើកបរលើដងផ្លូវ ស្រាប់តែបែកកង់មុខខាងឆ្វេង បណ្តាលឱ្យរេចង្កូត ហើយពេលទាញចង្កូតទៅវិញ ស្រាប់តែជ្រុលទៅបុកក្បាលព្រួញចុះចែកទ្រូងផ្លូវបណ្តាល ឱ្យរលំក្បាលព្រួញមួយផ្ទាំងកាលពីវេលាម៉ោង២និង៥០នាទី ទៀបភ្លឺ ថ្ងៃទី១៦ តុលា នៅចំណុចស្តុបផ្សារដើមគ
រាជធានីភ្នំពេញ ៖ រថយន្តឡង់គ្រីស្ស័រមួយគ្រឿងខណៈកំពុងតែបើកបរលើដងផ្លូវ ស្រាប់តែបែកកង់មុខខាងឆ្វេង បណ្តាលឱ្យរេចង្កូត ហើយពេលទាញចង្កូតទៅវិញ ស្រាប់តែជ្រុលទៅបុកក្បាលព្រួញចុះចែកទ្រូងផ្លូវបណ្តាលឱ្យរលំក្បាលព្រួញមួយផ្ទាំងកាលពីវេលាម៉ោង២និង៥០នាទីទៀបភ្លឺ ថ្ងៃទី១៦ តុលា នៅចំណុចស្តុបផ្សារដើមគ តាមបណ្តោយកែងផ្លូវមហាវិថីម៉ៅសេទុង និងផ្លូវលេខ៣៣៦ ស្ថិតក្នុងក្រុមទី៣៣ ភូមិ១២ សង្កាត់បឹងសាឡាង ខណ្ឌទួលគោក។
ប្រភពព័ត៌មាននៅកន្លែងកើតហេតុបានឱ្យដឹងថា មុនពេលកើតហេតុ រថយន្តឡង់គ្រីស្ស័រ ពណ៌ខ្មៅ ពាក់ស្លាកលេខ ភ្នំពេញ 2A-1350 បើកបរម្នាក់ឯង ក្នុងទិសដៅពីជើងទៅត្បូង ក្នុងល្បឿនមធ្យម លុះបើកមកដល់ចំណុចកើតហេតុ ស្រាប់តែរថយន្តបែកកង់មុខខាងឆ្វេង បណ្តាលឱ្យរថយន្តរេពេញផ្លូវ ហើយអ្នកបើកបរក៏ព្យាយាមទាញចង្កូតទៅវិញ ស្រាប់តែទៅបុកក្បាលពុះចែកទ្រូងផ្លូវរលំមួយផ្ទាំងតែម្តង ។
ពេលនោះមានកម្មករអ្នករុញរទេះបន្លែ និងអាជីវករលក់ដូរនៅក្នុងផ្សារដើមគឃើញគ្រោះថ្នាក់ដូចនេះក៏នាំគ្នាទៅចោមរោម និងជួយលើកក្បាលព្រួញដែលរលំតម្រង់ឱ្យដូចធម្មតាវិញ។
ឧបទ្ទវហេតុនេះមិនបណ្តាលឱ្យមានគ្រោះថ្នាក់ដល់អាយុជីវិតទេ គ្រាន់តែរលំបាក់ក្បាលព្រួញមួយផ្ទាំង និងរថយន្តខ្ទេចកង់ខាងឆ្វេងប៉ុណ្ណោះ ត្រូវស្ទូចយកទៅរក្សាទុកនៅសាលារាជធានី ដើម្បីធ្វើការដោះស្រាយបន្តទៀត៕
ចែករំលែកព័តមាននេះ