ប្រទេសចិនបានប្រកាសពីវិធានការជួយឧបត្ថម្ភដល់ក្រុមហ៊ុនតូចៗកាលពីថ្ងៃពុធ ទី១៣ តុលា ដោយការជំរុញឱ្យធនាគារបង្កើនប្រាក់កម្ចីរបស់ពួកគេលើវិស័យនោះ និងរដ្ឋាភិបាលពន្យារពន្ធដើម្បីជាការគាំទ្រតាមរយៈប្រាក់កម្ចីពិសេស។ ផែនការនោះក៏មានការកាត់បន្ថយពន្ធនិងលុបចោរចំពោះមុខជំនួញមួយចំនួនផងដែរ។
វិធានការនោះធ្វើឡើងបន្ទាប់ពីមានកិច្ចប្រជុំ ក្រុមប្រឹក្សារដ្ឋកាលពីថ្ងៃពុធ ដែលមានលោកប្រធានាធិបតី Wen Jiabao។ នេះបើយោងតាមសារព័ត៌មាន Xinhua។
ក្នុងចំណុចសំខាន់មានដូចជា ធនាគារនឹងលើកទឹកចិត្តក្នុងការផ្តល់ក្តីអាណិត និងក្តីអនុគ្រោះដល់ ការបង្កើនប្រាក់កម្ចី កំណត់គោលដៅថ្មីក្នុងការផ្តល់ប្រាក់កម្ចីថ្មីក្នុងដំណើរការក្រុមហ៊ុនតូចនិងមធ្យម និងបញ្ចុះការចំណាយឥណទានសម្រាប់ប្រាក់កម្ចីថ្មី។
ក្នុងសេចក្តីប្រកាសរបស់ក្រុមប្រឹក្សារដ្ឋថា មុខជំនួញខ្នាតតូចនិងមធ្យមកំពុងតស៊ូស្នើហិរញ្ញវត្ថុជាចាំបាច់ដើម្បីអាចរក្សាប្រតិបត្តិការជំនួញបន្តទៀត។ តាមការដកស្រង់ពី Xinhua តាមសម្តីរបស់ក្រុមប្រឹក្សាថា យើងត្រូវផ្តោតការយកចិត្តទុកដាក់លើបញ្ហានេះ។ ក្រុមប្រឹក្សារក៏បានជំរុញឱ្យអាជ្ញាធរតំបន់អនុម័តឱ្យបានឆាប់ដើម្បីអាចឲ្យប្រព័ន្ធធនាគារអាចបង្ក្រាបបទឈ្មើសខុសច្បាប់និងលុបបំបាត់ប្រព័ន្ធខ្ចីលុយតាមបែបអនាធិបតេយ្យ។
វិធានការនោះធ្វើឡើងបន្ទាប់ពីដំណើររបស់លោកប្រធានាធិបតីWen Jiabao ទៅកាន់ទីក្រុង Wenzhou។ ក្រុមប្រឹក្សាបាននិយាយថា សម្រាប់ធនាគារតូចក៏អនុញ្ញាតឲ្យរីករាយក្នុងការមានដើមទុនមូលធនតិច ដែលសម្រាប់បំរុងជាងធនាគារធំៗ ហេតុនេះធនាគាតូចៗអាចមានលទ្ធភាពក្នុងការពង្រីកឥណទានរបស់ខ្លួន៕
ចែករំលែកព័តមាននេះ