*ឆ្នាំ១០៧៥-ព្រះអង្គម្ចាស់ Dmitar Zvonimirបានឡើងគ្រងរាជ្យជាមហាក្សត្ររបស់ប្រទេសក្រូអាស៊ី។ *ឆ្នាំ១៥៧៣-ការឡោមព័ទ្ធទីក្រុង Alkmaarរបស់ប្រទេសហូឡង់ដោយកងទ័ពអេស្ប៉ាញត្រូវបានបញ្ចប់។ វាគឺជាជោគជ័យលើកទី១របស់ហូឡង់នៅក្នុងសង្គ្រាមដែលមានរយៈពេល៨០ឆ្នាំ ។
*ឆ្នាំ១០៧៥
-ព្រះអង្គម្ចាស់ Dmitar Zvonimirបានឡើងគ្រងរាជ្យជាមហាក្សត្ររបស់ប្រទេសក្រូអាស៊ី។
*ឆ្នាំ១៥៧៣
-ការឡោមព័ទ្ធទីក្រុង Alkmaarរបស់ប្រទេសហូឡង់ដោយកងទ័ពអេស្ប៉ាញត្រូវបានបញ្ចប់។ វាគឺជាជោគជ័យលើកទី១របស់ហូឡង់នៅក្នុងសង្គ្រាមដែលមានរយៈពេល៨០ឆ្នាំ ។
*ឆ្នាំ១៦០០
-ប្រទេសសានម៉ារីណូចាប់ផ្តើមយកច្បាប់រដ្ឋធម្មនុញ្ញជាតិរបស់ខ្លួនមកប្រើប្រាស់។
*ឆ្នាំ១៨០៦
-កងទ័ពរបស់អធិរាជអង់គ្លេសចាប់ផ្តើមធ្វើការឡោមព័ទ្ធកំពង់ផែBoulogneក្នុងប្រទេសបារាំង។ ការប្រយុទ្ធគ្នានាពេលនោះកងទ័ពអង់គ្លេសបានប្រើប្រាស់កាំភ្លើងគាំទ្រ Congreve Rocketជាប្រភេទរ៉ុកែ្កតបង្កើតឡើងដោយលោក Sir William Congreve។
*ឆ្នាំ១៨៥៦
-សង្គ្រាមអាភៀនលើកទី២រវាងមហាអំណាចលោកខាងលិចទាំងឡាយនិងប្រទេសចិនបានចាប់ផ្តើមដោយការប្រយុទ្ធគ្នានៅទន្លេកង់តុង។
*ឆ្នាំ១៨៦០
-ខ្សែទូរលេខរវាងទីក្រុង Los Angelesនិងក្រុង San Franciscoត្រូវបានបើកឲ្យប្រើប្រាស់ជាផ្លូវការណ៍។
*ឆ្នាំ១៨៧៩
-កងទ័ពជើងទឹករបស់ប្រទេសស៊ីលីបានយកឈ្នះកងទ័ពជើងទឹករបស់ប្រទេសប៉េរូនៅក្នុងសមរភូមិ Battle of Angamosមហាសាគរប៉ាស៊ីហ្វិក។ ការប្រយុទ្ធគ្នានោះ ឧត្តមនាវីឯករបស់កងទ័ពប៉េរូមីហ្គែល ហ្គ្រោត្រូវបានសម្លាប់។
*ឆ្នាំ១៩០៤
-តំបន់ Edmontonនៃខេត្ត Alberta របស់ប្រទេសកាណាដា ត្រូវបានបង្កើតឲ្យទៅជាទីក្រុង។
*ឆ្នាំ១៩១២
-ប្រទេសម៉ុងតេណេហ្គ្រោប្រកាសសង្គ្រាមជាមួយប្រទេសតួកគី។
*ឆ្នាំ១៩១៨
-នៅក្នុងតំបន់ព្រៃ Argonneក្នុងប្រទេសបារាំង នាយកាប៉ូរ៉ាល់សហរដ្ឋអាមេរិកឈ្មោះAlvin C. Yorkបានដឹកនាំការវាយប្រហារមួយដែលសម្លាប់កងទ័ពអាល្លឺម៉ង់២៥នាក់និងចាប់ខ្លួនបាន១៣២នាក់។
*ឆ្នាំ១៩៣២
-កងទ័ពអាកាសរបស់ប្រទេសឥណ្ឌាត្រូវបានបង្កើតឡើង។
*ឆ្នាំ១៩៣៩
-ប្រទេសអាល្លឺម៉ង់បានបញ្ចូលប្រទេសប៉ូឡូញភាគខាងលិចក្នុងឧបសម្ព័ន្ធរបស់ខ្លួន។
*ឆ្នាំ១៩៥២
-ការបុកគ្នារវាងរថភ្លើងHarrowនិងWealdstoneក្បែរទីក្រុងឡុងប្រទេសអង់គ្លេសបានសម្លាប់មនុស្សអស់១១២នាក់។
*ឆ្នាំ១៩៦២
-ប្រទេសអាល់ហ្សេរីចូលជាសមាជិករបស់អង្គការសហប្រជាជាតិ។
*ឆ្នាំ១៩៦៨
-កងទ័ពសហរដ្ឋអាមេរិកនិងវៀតណាមខាងត្បូងបានដាក់ចេញនូវប្រតិបត្តិការថ្មីមួយនៅតាមដីសន្តទន្លេមេគង្គ។
*ឆ្នាំ១៩៧០
-នៅទីក្រុងប៉ារីសប្រទេសបារាំង គណៈប្រតិភូវៀតណាមខាងជើងបានទាត់ចោលនូវសំណើសន្តិភាព៧តុលារបស់ប្រធានាធិបតីសហរដ្ឋអាមេរិករីឆាដ នីកសុនដោយចាត់ទុកថាសំណើនោះថាជាកលល្បិចបំភាន់មតិអន្តរជាតិ។
*ឆ្នាំ១៩៩០
-ប៉ូលិសអុីស្រាអែលនៅទីក្រុងហ្សេរុយហ្សាឡឹមបានសម្លាប់ជនប៉ាឡេស្ទីននៅក្បែរវិហារអុីស្លាមRockអស់១៧នាក់និងរបួសជាង១០០នាក់។
*ឆ្នាំ២០០១
-យន្តហោះដឹកអ្នកដំណើរម៉ាស៊ីនភ្លោះផលិតដោយក្រុមហ៊ុនអាមេរិក Cessna Aircraft Company នៃក្រុមហ៊ុនអាកាសចរណ៍៣ប្រទេសដាណឺម៉ាក ន័រវេស ស៊ុយអែត Scandinavian Airlines (SAS)បានធ្លាក់ពេលហោះឡើងពីព្រលានយន្តហោះក្រុងមីលែនប្រទេសអុីតាលីសម្លាប់អស់អ្នកដំណើេរ១១៨នាក់។
*ឆ្នាំ២០០៨
-ជើងហោះហើរ Yeti Airlines Flight 103បានធ្លាក់នៅតំបន់ភ្នំអេវើរ៉េសប្រទេសនេប៉ាល់សម្លាប់អស់អ្នកដំណើរ១៨នាក់។
*ឆ្នាំ២០០៩
-ការវាយប្រហាររបស់ក្រុមតាលីបង់លើស្ថានទូតឥណ្ឌាប្រចាំនៅទីក្រុងកាប៊ុលបានសម្លាប់អស់មនុស្សយ៉ាងតិច១៧នាក់និង៨៣នាក់ទៀតរងរបួស។
*ឆ្នាំ២០១០
-យ៉ាងហោចណាស់មានមនុស្ស១៦នាក់ដែលក្នុងនោះរួមមានលោកអភិបាលខេត្ត Kunduzឈ្មោះម៉ូហាម៉ាត់ អូម៉ាផងនោះត្រូវបានសម្លាប់នៅក្នុងការបំផ្ទុះគ្រាប់បែកមួយ៕
ចែករំលែកព័តមាននេះ