ពេលដឹងបងឈឺចិត្តអូនព្រឺព្រួយ        បេះដូងរលួយព្រួយពន់ពេកក្រៃ
ត្បិតបងនៅឆ្ងាយអូនស្តាយណាស់ថ្លៃ    ចង់ថ្នមផ្ទាល់ដៃយប់ថ្ងៃព្រលប់។
មិនដឹងបងបានសម្រាន្តលក់ទេ        ទឹកតែកាហេ្វបាយទឹកទាំងសព្វ
បានអ្នកណាទៅគ្របភួយដណ្តប់        អោយប្រុសសំណព្វទ្រព្យដួងចិត្តអូន។
អូនចង់ទាក់ទងក៏រឹតសែនយ៉ាប់        ប្រអប់សំលេងឆ្លើយប្រាប់ផ្ទួនៗ
ថាបងរវល់ញឹកញាប់ជាប់ជួន        ញាំងអោយចិត្តអូនផ្ទួនអន្ទះសារ។
មានតែផ្តាំនឹករលឹកតាមខ្យល់        អោយប្រុសនិមលយល់តែសុខា
សូមផ្ញើរចិត្តនឹករលឹកក្រៃណា        ទៅប្រុសសេ្នហានៅនាយសមុទ្រ៕

និពន្ធដោយកញ្ញា    ជា សុវណ្ណនី
Sovanny2010@yahoo.com