ក្រសួងសុខាភិបាលអេហ្ស៊ីបរាយការណ៍កាលពីថ្ងៃទី១០ កញ្ញា ថា មនុស្ស៣នាក់បានត្រូវស្លា.ប់ និង១.០៤៩នាក់ត្រូវរបួសក្នុងឱកាសនៃបាតុកម្មកាលពីយប់ថ្ងៃទី៩ កញ្ញា ក្នុងស្ថានទូតអ៊ីស្រាអែលប្រចាំទីក្រុងគែរ។ មនុស្សម្នាក់ស្លា.ប់ដោយសារគាំងបេះដូង ហើយអ្នករបួស២៦២នាក់ត្រូវបានបញ្ជូនទៅកាន់មន្ទីរពេទ្យផ្សេងៗ
ក្រសួងសុខាភិបាលអេហ្ស៊ីបរាយការណ៍កាលពីថ្ងៃទី១០ កញ្ញា ថា មនុស្ស៣នាក់បានត្រូវស្លាប់ និង១.០៤៩នាក់ត្រូវរបួសក្នុងឱកាសនៃបាតុកម្មកាលពីយប់ថ្ងៃទី៩ កញ្ញា ក្នុងស្ថានទូតអ៊ីស្រាអែលប្រចាំទីក្រុងគែរ។ មនុស្សម្នាក់ស្លាប់ដោយសារគាំងបេះដូង ហើយអ្នករបួស២៦២នាក់ត្រូវបានបញ្ជូនទៅកាន់មន្ទីរពេទ្យផ្សេងៗ ខណៈដែលអ្នករបួស
ដទៃៗទៀតត្រូវព្យាបាលនៅនឹងកន្លែង។
ការប៉ះទង្គិចគ្នារវាងពួកបាតុករ និងប៉ូលិសត្រូវបានពួកអ្នករងរបួសធ្វើការរិះគន់។ ប៉ូលិសបានប្រើប្រាស់ឧស្ម័នបង្ហូរទឹកភ្នែកដើម្បីបំបែកពួកបាតុករ។ កាលពីយប់ថ្ងៃទី៩ កញ្ញា បាតុករមួយចំនួនបានលុកចូលក្នុងអគារស្ថានទូតអ៊ីស្រាអែលប្រចាំទីក្រុងគែរ ដោយពួកគេបានបំផ្លាញជញ្ជាំងបេតុងមួយដែលទើបកសាងនៅខាងក្រៅស្ថានទូត ទម្លាក់ទង់ជាតិអ៊ីស្រាអែល ហើយប្រមូលឯកសារទាំងឡាយទម្លាក់ចោលតាមបង្អួច។ ឯកអគ្គរដ្ឋទូតអ៊ីស្រាអែលប្រចាំអេហ្ស៊ីប និងបុគ្គលិកស្ថានទូតភាគច្រើនត្រូវបានជម្លៀសចេញតាមយន្តហោះមួយគ្រឿងកាលពីព្រឹកថ្ងៃទី១០ កញ្ញា ពីទីក្រុងគែរ ។
ម៉ាស៊ីនឃោសនាអ៊ីស្រាអែលរាយការណ៍ថា ឯកអគ្គរដ្ឋទូត និងអ្នកការទូតអ៊ីស្រាអែលប្រមាណជា៨០នាក់ទៀតត្រូវបានជម្លៀសចេញនាពេលព្រឹកព្រលឹមក្រោយពីពួកបាតុករអេហ្ស៊ីបធ្វើការវាយប្រហារប្រឆាំងស្ថានទូតអ៊ីស្រាអែលមក។ ឯកអគ្គរដ្ឋទូតលោក YITZHAK LE-VANON បណ្តាបុគ្គលិកការទូត និងគ្រួសារពួកគេបានចាកចេញពីអេហ្ស៊ីបតាមយន្តហោះមួយគ្រឿងរបស់កងទ័ពអាកាសអ៊ីស្រាអែល។
បាតុករអេហ្ស៊ីបជាច្រើនពាន់នាក់បានប្រមូលផ្តុំគ្នានៅមុខស្ថានទូតអ៊ីស្រាអែលប្រចាំទីក្រុងគែរដើម្បីតវ៉ាប្រឆាំងនឹងការសម្លាប់ទាហានអេហ្ស៊ីប៥នាក់ដោយកងទាហានអ៊ីស្រាអែលក្នុងតំបន់ព្រំដែនកាលពីថ្ងៃទី១៨ សីហា កន្លងមកនេះ៕
ចែករំលែកព័តមាននេះ